1PETERU 4:12 - Lacid Common Language Bible

¹² Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

1PETERU 4:12 Referans Kwoze

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

1PETERU 5:9

Nanu" koem gi loem" jeung" da" khyoo: moo geung: teung jo, lho: nyang: ri lhoem: zain: ge'. Khasu" wim ga: ri nanu" nyang: si' bye: ziyo' dakhyoo: ti"- mougmyid' gyab, goin" jang" moo nyid da" nanu" da" loem" jeung" mang nhung" yi gi hid: yhang: te" da" shen" yhen kyi" khyeug khyoo: ri thoung" shau" nyid boem.

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

1PETERU 4:4

Akhid" koem nanu" gi nyang: nu' yo' dage" aco' ajhoid koid zoo: pyoo: shug pyo: nyid a' khyoo: moo abo cang lo' boem loo: yoomo nanu" ri nyangnu" gi gye" mau" lho: gei sang: nyid boem bye.

ESAIA 28:21

Aseing gi nyang: koid wa soin' to" da" moo" ri koid wa shid re" nyang: gi Perazim boem moo yo' Gibeon janggyoin: moo nyang: koid lo ziyo' dakhyo" khaid zain: loo wa. Nya: lo, moo" joem gi mau" pho" zi nghoid da:. Nyang: gi nya: da" mau" pho" moo" nghoid da" nya: moo" ri zei: pain' pyam loo wa.

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

1PETERU 2:11

Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.