1PETERU 3:19 - Lacid Common Language Bible

¹⁹ Aseing: gi nya: venyi khyo" nyang:- thung: loung" jo, da" venyi yi jhang khyoo: tarha" lo" kho" kyo.

1PETERU 3:19 Referans Kwoze

1PETERU 4:6

Hougsu" nghoid yoomo nyangnu" da" gung du: moo dei nyid ri byu yi gootu: ri yhang: ti"- dang: phyed' zi shau" lho: shid: byug bye: mo, ri we' ngei bu: lu dang: ri kho" kyoo" bye. hau" ngei bu: lu dang: ri kho" kyo" da" khyoo: gi nyangnu" da" venyi khyo" kangso' dei jang" moo Mangsoo gi dei nyid ti"- nyangnu" dei nyid wa shid re" nghoid.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

ESAIA 42:7

Nang gi myo, jid, yug ri myo, myang nhang: wa. moug: coid thung: khoug: moo nyid bang: ri loid byoin nhang: kaid byid: wa.

ESAIA 49:9

Ngoo gi thung: byu yiri ‹Loid byoin loo" ge'› ein: tid lho: moug: coid khoug: moo nyid bang: ri ‹Bid bang khyoo: thu ri" ge'› ein: tid wa. Nyangnu" gi bouggung moo mhain" lham" zo: nyid da" yang joem yhang: ti" nghoid loo wa.

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

Pang Shug 20:7

Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.