1PETERU 2:23 - Lacid Common Language Bible

²³ Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.

1PETERU 2:23 Referans Kwoze

ESAIA 53:7

«Nyang: gi anoug akhyoid koid zi shoug" nghoid loug we' hau: ziri nyhoem: khyo' wigi zeing: kham bye:. Nyang: gi khanham we' dang: dakhoin' atid. Said pyam wa nghoid da" yang nu" yhang: ti" Yang moug" yham" wa nghoid da" yang yhang: ti" nyang: gi khanham we' dang: dakhoin" atid nghoid da:.

1PETERU 4:19

Hougsu" nghoid nyid yoomo Mangsoo byid: to" ziyo' dakhyoo" ti"- sho" jhen: jam jau shau" mo, gi ge da" moo" ri zei: lho: nya: dang: thang" cab, ri zei pyeing byid: su: da" lo, moo nyangnu" da" kangso' ri ab, pyam ca.

HEBRE 12:3

Yooboo yoo" mo, wigi atho' tid loo: sho' koid da" anoug angei khyoo: ri hau: Aseing: gi khayhi' gyeing" kham' zoo: bye: da" khyoo: ri nanu" bo myid yu" ge'. Houg: su" nghoid yoomo nanu" moo nheigloem: byo, yoin" gyoeb, gyo" khyoo: aboo goo" baja".

COUNG" NGHEI 37:5

Re" da" gung du: hau" Aseing ri ab byid: we'. Nyang: ri loem we' nyang: gi nang ri pang" thoug yu wa zi nghoid.

ACTS 4:29

Asing: we" akhid" nyangnu" youg nhain, nyid da" khyoo: ri re" mungdang: ri yo" kho" kyoo" nhang: we'.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

COUNG" NGHEI 31:5

Ngoo gi ngoo nya: gung du: ri re" da" lo, khoug: moo: ab too" bye:. Aseing nang gi ngoo ri khyoid yu wa zi nghoid. Nang gi nga" deingmain" da" Mangsoo nghoid nyid.

COUNG" NGHEI 10:14

Nghoid loug we' nang ri gyoug nain" khyoo: yo' phu" zo: khyoo: ri myang se' lho: pang" thoug yu wa shid re" khanham we' nyheung soin, too" gu nghoid. Pang" thug wa zi ayoo" su: gi nyang: gung nyang: nang moo: ab lang- nang gi: ca" yo nyid mo, ri khanham we' pang" thoug nyid.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

2 THESALONI 1:5

He: khyoo: joem dangain" gi Mangso tarha" dang: phyed khyoo: deung ziri sagsi: toin" shid nyid hau: da" akyu" jeju" yoomo nanu" gi nya: da" mungdain yo' moin: yi" bang: bue" lo boem wa zi nghoid- hau" shid re" ein: nanu" gi kyi" kyeig jam jau zi shau" kham nyid boem bye.

Ephesu 6:9

Yhoem: seing: yi we"- nanu" we' houg: yo' dakhyoo" ti"- nanu" da" join, yi tho' moo cang zei: so" nyid ge'- nyangnu" ri kyoug nhain' khyoo: no: pyam' ge'- nanu" yo' nanu" da" join, yi gi moug: khung: mo Aseing: dayug yo' za: sen: bang: nghoid- hau" aseing: gi yug khang" moo" ri myonhoo: akhyin: loo: za: tarha" dang: phyed' nyid su: nghoid ziri myid boin: nyid ge'.

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

ACTS 9:1

Hau: ayo, moo sholu gi Yesu ri loem" jeung" loo mo, ri pyi: sho: shen" yhen wa shid re" kyoug nyid su nghoid. Nyang: gi khainjung agyi zeung jhang khyoo: yhe: lho:

LUKA 23:9

Herod khokham" gi Yesu ri dang: myoo" sho' ja: myid: nghoid loug we' Yesu gi adoem phoug tid.

COUNG" NGHEI 96:13

Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.

COUNG" NGHEI 7:11

Mangsoo gi dain: khyo" tarha" dang: phyed da" su: nghoid ziyo' akhyeing" ashoeb bang: ri khanham we' dam kaid byid: nyid su: nghoid.

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

LUKA 23:41

Yha" eig yug gi nyang: nyang: kham: eung: da" yooboo dam, dakham: nyid he: Aseing: koem gi ce: yooboo we' ashoid yu" ga: wigi tid poin.