1PETERU 2:2 - Lacid Common Language Bible

² Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

1PETERU 2:2 Referans Kwoze

Ephesu 4:15

Hau: gung khoo: jheddab da" emyid yo' deingmain" da" dang: ri tid nyid khyo" vhuloem nghoid da" Khristu moo khyoo: khaid khang" moo" moo gyi: sheung: to' loo ca" nyid boem.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

1Korinthians 14:20

Mang: nhung" yi we"- myid soin: yu" ca" da" khyoo: moo: zooshang ti" akoid nyid goo" akhyeing" ashoeb khyoo: moo gi zooshang: ti" bui" nyid ge'. Myid soin: yu" khyoo: moo: gi nheig boo ludaid' bue" nyid loo: ge'.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

Ephesu 2:21

Nyang: gi he: noku yhoem: goin" ri geing; teing gyi: sheing; nhang: su; nghoid yoomo hau: zigi Aseing: ri ab noung" da" noku yhoem: bue" loo bye.

Roma 6:4

Houg: yoomo nyangnu" gi Babtisma kham khyo" wigi Khristu yo" dage" shid: kham: lho: - nyang: yo" dage" myhoeb pyam' zi shau" boem bye. Aseing yo" dage" shid: kham: da" khyoo: gi pho da phung" yoeb yoem: so' yo" Khristu ri shid: da" jang" mo doem dei to'' loo nhang: zi yo" dakhyoo" - ngoonu" gi kangso' Aseing moo doem yo" dei nyid wa shid' re" nghoid.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

1PETERU 1:23

Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

2 SAMUELA 23:5

Athid wa da" dangsoo" yo' abyo, wa da" myid veing" khyoo: gi nyang: yo' ngoo apyaid atoo: dang: theing too" bye: yoomo Mangsoo gi nga" akung: ako'' yiri mainkaid byid: wa zi nghoid. Hau: zi dangain" gi nga" myid vho: khyoo: nghoid. Hau: zigi nga" oung: doid khyoo: nghoid wa ziyo' Mangsoo gi gyeing" nyang: hau: ziri bui" nhang: wa zi nghoid.

HOSEA 14:7

Nyangnu" gi ngo wigi goem loem byid: da" ayoeb khoug: moo dalheing: doem nyid loo goo" wa. Nyangnu" gi gug zoo mei: loem: sho" wigi zabyid khyam: yo' dakhyo" ashi" zei: loo goo" wa. Nyangnu" gi Lebanon mo zabyid yhid: yo' dakhyo" myeing gyi: loo goo" wa.

HOSEA 14:5

Ngoo gi Israela byumyu" yi shid re" kyug hei' da" mougmyid mo moug: gyid yo' dakhyo" nghoid loo wa. Nyangnu" gi bain: joem yo' dakhyoo" ti" bo" yung" loo goo" wa. Nyangnu" gi Lebanon mo seiggam joem yo' dakhyoo" ti" agyi: teing za: cen' loo goo" wa.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

MATHE 19:14

Aseing Yesu gi «zooshang: mi" ri nga" jhang khyoo nhang: kaid ge' nyangnu" ri atoem too" goo. Khasu" wim gari Mangso da" Mungdain: gi houg: yhangti" mo, mungdain: nghoid» ga: tid.

LUKA 18:17

He: ziri xoem" too" ge' hang" nghoid loug we' zooshang: dayug yhangti"- Mangso da" mungdain: ri akham: yu su: gi hau: mungdain: moo yo" vang loo" wa zi anghoid.