1PETERU 1:23 - Lacid Common Language Bible

²³ Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

1PETERU 1:23 Referans Kwoze

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 1:13

Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

YOHAN 6:63

Mangso da" Venyi: wi za: Kangso' ri dayo" dei nyid nhang. Byu yi da" yoem: so' gi ci: we' ayo" bui. Nanu" ri ngoo tid da" dang: gi kangso' yo" dei loo nhang: da" Venyi: yo" sen: da" dang: nghoid nyid.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.

YAKU 1:18

Mangsoo gi nyang: phain" to" da" byu xang: su: yimoo- xang: shed" ri zei: lo da" ashi" yhang: ti" bui" wa shid re" deingmain" da" tarha" mo wigi nyang: myed vho: ziyo' dakhyoo" ti"- ngoonu" da" pyaid seig ri doem thid' byid: bye.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

1YOHAN 3:9

Mangso da" nya: zoo: bui' bye: su: gi yooboo ri axo, koid loo- Khasu" wim gari hau: yug moo gi Mangso da" alhoo: aved, bo nyid bye. Mangso nya: zoo: bui" bye: bang: gi yooboo ri axo, koid loo nghoid da.

1PETERU 1:25

Nghoid loug we' Mangso da" mungdang: koem gi apyaid' atoo: moo geung: teung jo, - ga: wigi jhoem: mungdang: moo tid to"- hau" mungdang: gi nanu" kho" kyoo" bye: da" ngei bu: lu dang: gi, nghoid bye.

YOHAN 1:3

Nyang: khyo" wigi Mangsoo gi - jo, moo jo, ri phain" so: to. Phain" to" jang" moo nyang: aboo loo bue" lo zi gi daja we ajo.

YEREMIA 23:28

Yhoebmo, mo, da" lapi: gi yhoebmo, za: danghoid ein: tid fu" ca" da:. Nghoid loug we' nga" mungdang: ri shau" gyo: yu da" Lapi: gi nga" mungdang: ri jhug zug tung" tid fu" eung: da:. Sungsoo: yo' tu' yu" ri khoofoo: gi ce: akyu" bo la".

Roma 1:23

Ase' shid: da" Mangsoo: ri noku ca" nghoid loug - se' shid: lo" da byu nghoo: joem - myid: khyid: dab da goug: nyoug joem - hougsu" anghoid lang" do: yu: lo" se' da" goug: nyhoug yi ngho' joem da" soolhoo: joem ri no' ku" boem ago"

MALAKHI 2:3

Ngoo gi nanu" da" zoo: yi myid: yiri dam byid: wa ngoo gi nanu" pui" moo ci: re" da" gougnyhoug khyid" nanu" da" myonhoo: moo joid byid: lho:-nga" shidkhoin" mo houg: khyid" yo' dage" khaid thu pyam wa zi nghoid.

LUKA 8:11

He: dangtu' mo, dangkang: gi hid: su" nghoid. Myoug shi" gi Mangso da" mungdang: nghoid.

XOIN" NGEI" 11:37

Shoo" wa shid re" koid to" da" shivoo: atho' moo: hau: shid: mang daja: ja: gyo" zang" nghoid rigi hau: shivoo: gi younglho' shi" da:.