1Korinthians 1:1 - Lacid Common Language Bible

¹ Mangsoo vho: ngei ziyo' dakhyoo" Khristu Yesu da" lagyo: aya moo: khe: too" shau" da- ngoo Polu yo' ngoonu" da" mang: nhung" phoo, Sosteni gi

1Korinthians 1:1 Referans Kwoze

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

2~KORINTHU 1:1

Mangsoo myid vho" ziyo' dakhyoo"- Khristu Yesu da" Lagyoo: ngoo Polu yo' ngoonu" da" mang: nhung" Timothi gi Korinhtu voo mo Mangso da" phung yo' Akhaia mung" goin" jang" mo Mangso da" byu dangain" bang: ri vhu" kaid.

KOLOSE 1:1

Mansoo myid' vho: da" khyoo: yoomo Khristu Yesu da" lagyoo: nghoid da" ngoo Polu yo' Mang nhung" phoo Timothi gi

ACTS 18:17

Nyang: nu" gi tarha" jung mo agyi phoo- Sosteni ri myheug yu lho: tarha" yung" shid' moo baid' ago- nghoid loug we' Galio gi hau: ziri cishu: anhang: nghoid da.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

1 TIMOTHI 1:1

Ngoonu" ri khyoid khyi: yu da" Mangsoo yo' ngoonu" da" nheig byu jang: nghoid nyid da" Aseing Yesu da" khyoo: yoomo lagyoo: nghoid nyid da" ngoo Polu gi

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

GALATI 1:1

Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

ACTS 22:21

Houg: lang" Aseing: gi yhe: loo" we' Khasu" wim gari - ngoo nang ri tungbau byumyu" yi nyid da" Ve: da" mung" khyoo: nhang: kaid' wa.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

2~KORINTHU 12:12

Ngoo gi Lagyoo: dayug nghoid khyoo: sagsi: toin" shid wa shid re" myo: thang" da" alhoo: again joem yo' mau" pho" moozoo"- joem ri nanU" da" shid khoin" moo nheigloem: gyi: sheung: ziyo' toin" shed lid lo yu" bye.

2~KORINTHU 11:5

Ngoo gi houg: nanu" gyi: thang da" lagyoo: yi ga: coung" nghei tu: to' da" lagyoo: yi tho' moo dajhi' khyalhang" ngi, su: anghoid ein: ngoo jho: nyid.

1Korinthians 15:9

Khasu" wim gari- lagyoo: yi moo: nge thang su: ngoo nghoid. Mangso da" phung: ri shen" yhen bye: yoomo- lagyoo: ein: wa zi lang amoin: loo.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

Roma 1:5

Mangsoo: gi hau Khristu khyo" wigi - byu dangain" mo, ri loem khau loem" jeing" tam" gyo: loo wa shid' re" - ngoori phoug" dab thang da" - shu" u" lagyoo: zeing dayug khyo" aya: tang: byid: bye.

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

YOHAN 20:21

Hau: thang: ri we' dalheing:- Yesu gi nanu" moo myenjham" khyoo: dajo, jo, baja" ga: nga" phoo gi ngoori nhang: kaid ziyo' dakhyoo" ti"-- nanu" ri we' ngoo nhang: kaid ga: tid.

LUKA 6:13

Myo, myang loo lang" Cangzoo: yi ri nya: jang" moo khe: yu lho: houg: bang: daxe: eig yug ri khyen: yu wigi Lagyoo: yi ga: myeing myheing byid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

Roma 1:10

Vho: ngei nghoid rigi - athei" myang" ri nanu" jang" moo ngoo yo" ri" wa da" khyoo: bang" loo wa shid' re" ngoo Mangsoo: ri mho' nyid.

2~KORINTHU 8:5

Nyangnu" gi ngoonu" myid to" tho' moo jain" sho' byid nyid nyangnu" gi xang: shed" moo nyangnu gungdu nyang aveing: moo xoin" to' byid: ago- Hau: thang: ri Aseing: myid vho: ziyo' dakhyoo"- pang" thoug byid: da" khyoo: moo to' byid: ago".