Yohane 3:19 - Laghano Lya Sambi Kwe Iwanu Wose

¹⁹ Apfi pfipfo pfamtsohighighwa, Ghumwanga ghutsa muisi, lekeni iwanu wanoghela ichisi kubita ghumwanga, kwaapfila ghawotenda gheha.

Yohane 3:19 Referans Kwoze

Yohane 8:12

Yesu hayalongile keli ne iwanu, kalonga, “Nene na ghumwanga ghwe iisi. Imunu wowose iyoniwinza ng'atsokwanga mchisi bae, ila katsokuwa na ghumwanga ghwe ughima.”

2 Watesalonike 2:12

Apfo wose iwalemile kutoghola ukweli, ila wodeng'elela nzambi, watsohighighwa.

Waroma 2:8

Lekeni awala iwelangula iwenyegho, awala iwolema ukweli, ili waghawinze ghehile, Imulungu katsowahigha ghendo kwa maya yake.

Yohane 12:43

Kwaapfila tsawanoghelighwa sideke kutunyighwa ne iwanu kubita kutunyighwa ne Imulungu.

Waroma 1:32

Womanya ka ghamalaghitso ghe Imulungu gholonga iwanu iwotenda pfinu ka pfino wobamighwa wafe, lekeni wotenda pfinu apfo na si pfipfo pfiliheka bae, ila pfipfila wowatoghola awala iwotenda pfinu apfo.

Yohane 5:44

Apfi mtsodahatse kunitoghola, ka mwemwe mwobama kubokela utunitso kulawa kuna mwemwe iwenyegho, lekeni mwolema kubokela utunitso iulawa kwe Imulungu yaliyeka?

2 Petiri 3:3

Tanu mmanye, ghamatsuwa gha ukutsa watsokutsa iwanu, iwotsiwinza tsitamaa tsawo tsihile, nawo watsomkileni.

Yohane 1:4

Yeye tsakakala mwanduso wa ughima, na ughima awo tsaukala ghumwanga kwe iwanu.

Luka 12:47

“Na imtumwa yula iyomanya aghala ghayobama imtwatsa wake aghatende, lekeni ng'okala ghoya bae wala ng'oghatenda bae, imtumwa ayo katsotohighwa ng'ani.

1 Petiri 2:8

kuya gholonga, “Libwe alyo libwe lya ukwikwala iwanu, na libambalawe lya ukuwaghwisa iwanu.” Iwanu wekwala kwaapfila ng'awaitoghola bae imbuli ila, apfi pfipfo pfawekelighwe kulawa ghumwande.

Yohane 7:7

Iwanu we isi ng'awodaha kuwahilani mwemwe, ila wonihila nene kwaapfila nolonga ka aghala ghawotenda gheha.

Yohane 7:17

Imunu wowose ang'asaghula kutenda pfayobama Imulungu, katsomanya ka ghamalangulitso ghangu gholawa kwe Imulungu au nolonga kwa uwetso wangu imwenyegho.

Luka 16:14

Mafarisayo iwonoghela tsisendi hawahulike apfo, tsawambetsa Yesu.

Yohane 1:5

Ghumwanga ghomwemwesela ichisi, na ichisi ng'achidaha bae kughutsima.

Yohane 9:5

Haning'ali muisi, nene na ghumwanga ghwe isi.”

Yohane 12:31

Chipindi cha kuhighighwa isi ino chipfika, mkulu we isi ino katsowingighwa.

Yohane 12:46

Nitsa muisi niwe ghumwanga, ili iwanu wose iwonitoghola waleke kukala mchisi.