Yohane 19:6 - Laghano Lya Sambi Kwe Iwanu Wose

⁶ Iwatambika wakulu na iwabetetsi we Ing'anda ye Imulungu hawamwonile Yesu, wakemelela, “Muwambe! Muwambe!” Pilato kawalongela, “Msoleni mkamuwambe mna msalaba mwemwe muwenyegho. Sonile bae ghomba lya kumhigha.”

Yohane 19:6 Referans Kwoze

Yohane 18:31

Pilato kawedika, “Msoleni mkamuhighe kwa ghamalaghitso ghenu.” Wayahudi wamwidika, “Ng'atubamighwa bae kumkoma imunu wowose.”

Yohane 19:4

Pilato kalawa keli kunze kawalongela Wayahudi, “Mlole, nomlapfa kunze na mmanye sipatile ghomba lya kumhigha.”

Ghamatendo 7:52

Angu kuna nabii wowose we Imulungu iwabala tsenu yang'awamdununze bae? Tsawawakoma awala Mulungu yawatumile umwande walonge ukutsa kwa yula yane haki, yamumuhunduke na kumkoma.

Ghamatendo 2:23

Kulawa mwanduso Imulungu imwenyegho tsakabama Yesu aghoghighwe na mwemwe, namwe mumkoma kwa kuwaleka iwanu wehile wamuwambe mna msalaba.

Yohane 19:15

Lekeni Wayahudi wakemelela, “Mkome! Mkome! Mumuwambe mna msalaba!” Pilato kawaghutsa, “Mwombama nimuwambe imndewa wenu?” Iwatambika wakulu wamwidika, “Twetwe twahela imndewa yungi ila imndewa wa Roma yaliheka!”

Luka 23:4

Kuya Pilato kawalongela Wakulu we Inambiko na mtingano we iwanu, “Sonile bae totso lye imunu yuno.”

Matei 27:24

Pilato hayonile ng'odaha bae chochose, ne hengele tsalyakwandusa kulawila, kasola ghamatsi, kahopfugha ghamoko ghake hambele he iwanu, kalonga, “Nene nahela litotso kwa ukufa kwe imunu ayu, alyo lyenu iwenyegho!”

Matei 27:22

Pilato kawaghutsa, “Lelo nimtende choni ayu Yesu yokemighwa Kiristu?” Wose wamwidika, “Umuwambe mna msalaba!”

Matei 26:58

Lekeni, Petiri kamuwinza kwa kutali mbaka hachitala he mtambika mkulu. Kengila mghati, kakala hasi na iwabetetsi, yalole choni chitsolawila.

Yohane 18:3

Apfo Yuda kaghenda mne mghunda aghwo, hamwe ne kingili lya asikali na iwabetetsi wangi iwatumighwe na iwatambika wakulu na Mafarisayo. Tsawatsa ne pfitasa, pfiwenge na tsisilaha.

Yohane 18:38

Pilato kamghutsa, “Ukweli chinu chachi?” Kuya Pilato kalawa keli kunze kawalongela Wayahudi, “Sonile bae ghomba lya kumhigha imunu yuno.