Yohane 11:3 - Laghano Lya Sambi Kwe Iwanu Wose

³ Apfo lumbu tsake Lazali wamtumila Yesu usenga, “Imtwatsa, sale yako yumnoghele koghula.”

Yohane 11:3 Referans Kwoze

Yohane 11:5

Yesu tsakawanoghela Marita na lumbu wake na Lazali.

Ughubulo 3:19

Imunu wowose iyoninoghela, nomlonga na nomkanya. Apfo uleke ghehile kwa ghumoyo ghwako ghose.

2 Timoteo 4:20

Elasto kasighala Kolinto na Tirofimo nimleka Mileto kwaapfila tsakakala mtamu.

Yohane 13:23

Imwanang'ina yumwe, iyanoghelighwe na Yesu, tsakakala habehi naye.

Yohane 11:36

Kuya Wayahudi walonga, “Mlole pfayamnoghele!”

Yohane 11:11

Yesu hayalongile apfi, kaghendelela kuwalongela, “Sale yetu Lazali kawasa, lekeni noghenda kumlamsa.”

Yohane 11:1

Imunu yumwe iyakemighwe Lazali tsamtamu. Lazali yang'ali yokala Betaniya, kaye yake Mariya ne ndughu yake Marita.

Luka 7:13

Imtwatsa hayamwonile ipinga ayo, kamwonela libatsi, kamlongela, “Uleke kulila.”

Yohane 11:2

Mariya yuno tsakakala yuyula iyambakile Imtwatsa Yesu ghamafuta ighonung'ila mmaghulu na kughabaghusa kwa mvili tsake, lumbu wake Lazali tsakakala mtamu.

Yohane 11:21

Marita kamlongela Yesu, “Mtwatsa, ka ung'awile hano, lumbu wangu tsa yang'alekile kufa!

Yohane 13:13

“Mwonikema Mlangulitsi na Imtwatsa, mwotenda ghoya kwaapfila apfo pfipfo pfanili.