Yohane 10:18 - Laghano Lya Sambi Kwe Iwanu Wose

¹⁸ Kuduhu imunu iyoniboka ughima wangu. Noulapfa imwenyegho ughima wangu kwaapfila nodaha kughulapfa na kughusola keli. Nibokela laghitso lino kulawa kwa Aba wangu.”

Yohane 10:18 Referans Kwoze

Waeburaniya 2:9

ila twomwona Yesu iyatendighwe mdodo kubita wamalaika kwa chipindi chidodo, ili kwa uluso we Imulungu yawafile iwanu wose. Sambi twomwona kapfatsighwa fiya ya utunitso na heshima kwa ukufa kwayadununzike.

Tito 2:14

Yeye tsakelapfa imwenyegho kwaajili yetu ili atughombole kulawa mne ghehile ghose na kututenda tuwe iwanu wahenzeluke iwali wake yeye mwenyegho, iwanu iwosulukila kutenda ghanoghile.

Yohane 10:17

“Nomnoghela Aba wangu kwaapfila nolapfa ughima wangu ili niubokele keli.

Yohane 14:31

lekeni iwanu we iisi wamanye ka nene nomnoghela Aba, nosang'ana chichila Aba wangu chayanilaghitse. “Mwinuke tukeni.

Yohane 6:38

Kwaapfila nihulumka kulawa kulanga si kutenda pfanibama bae, ila kutenda pfayobama ayula iyanitumile.

Yohane 15:10

Mng'aghakinda malaghitso ghangu, mtsokala mne unoghelo wangu, ka nene pfanighakindile ghamalaghitso gha Aba na nikala mne unoghelo wake.

Yohane 10:11

“Nene namdimi yaninoghile. Mdimi yanoghile kolapfa ughima wake kwa wang'olo.

Ghamatendo 3:15

Mwemwe mumkoma yeye yali mwanduso wa ughima, lekeni Imulungu kamtsilihula kulawa mne lifwa, na twetwe twa wakalangama we ichinu acho.

Ghamatendo 2:24

Lekeni Imulungu kamtsiliula Yesu, kamkombola kulawa mne usungu we lifwa kwaapfila ng'aidahike bae lifwa limwohe.

Yohane 5:30

Nene sidaha bae kutenda ichinu imwenyegho, nohigha ka Imulungu pfonongela, nohigha kwa haki, kwaapfila sitenda bae chanibama, ila notenda achila chobama ayula iyanitumile.

Ghamatendo 2:32

“Imulungu iyo yamtsilihule ayo Yesu, na twetwe twa iwakalangama we chinu acho.

Yohane 19:11

Yesu kamwidika, “Ghweghwe kuna uwetso wa kunihigha kwaapfila kwing'ighwa uwetso awo ne Imulungu. Apfo ayula iyangalile kuna ghweghwe kana nzambi ng'ulu ng'ani.”

Yohane 10:15

ka Aba pfayonimanya na nene nommanya Aba, na nowalapfila wang'olo ughima wangu.

Yohane 5:26

Ka Aba imwenyegho pfayali mwanduso we ighima, pfipfila kamtenda Imwanaghe kuwa mwanduso we ughima.