Yohane 1:49 - Laghano Lya Sambi Kwe Iwanu Wose

⁴⁹ Kuya Nasanaeli kalonga, “Mlangulitsi, ghweghwe kwa Imwana we Imulungu! Ghweghwe kwa Imndewa wa Isiraeli!”

Yohane 1:49 Referans Kwoze

Yohane 1:34

Kuya Yohane kalonga, “Nichona chinu acho, na nene nowalongela ghendo, ayuno iyo yuyo Imwana we Imulungu.”

Luka 19:38

Walonga, “Kebweda Imndewa iyakutsa kwa taghwa lye Imtwatsa! Kulanga kukale tseghamba, ne utunitso kuchanya kulanga!”

Matei 27:42

Walonga, “Kawakombola iwanu wangi, lekeni ng'odaha bae kwikombola imwenyegho, ambe yeye ka Imndewa we Isiraeli, tumlole lelo yahulumke mna msalaba, na twetwe tutsomtoghola.

Matei 21:5

“Umlongele neghe Sayuni, Lola, Mndewa wako kokutsila, Kahola na kadina ipunda, imwanapunda, imwana we ipunda.”

Matei 2:2

waghutsa, “Yalikwani imndewa wa Wayahudi yelekighwe? Tuyona inondo yake kulawa ubali wa kwalilawila litsua, kuya tutsa kumtamanila.”

Yohane 1:38

Yesu kahunduka, kawona womuwinza, kawaghutsa, “Angu mbama choni?” Wedika, “Rabi, angu ukala kwani?” Rabi mana yake Mlangulitsi.

Matei 27:11

Yesu tsakema hambele ha imkulu wa Roma, na imkulu ayo kamghutsa, “Angu ghweghwe kwa Imndewa wa Wayahudi?” Yesu kamwidika, “Ghweghwe kolonga.”

Matei 14:33

Na awala iwakalile mne ghumnumbwi, wamtamanila, walonga, “Ghweghwe kwa Imwana we Imulungu ghendo.”

Yohane 18:37

Pilato kamghutsa, “Apfi ghweghwe kwa mndewa?” Yesu kamwidika, “Ghweghwe kwolonga nene namndewa. Nyelekighwa na nitsa muisi kwaajili ayo, kulonga mbuli tsa ukweli. Iwanu wose iwonoghela ukweli wonitegheletsa.”

Yohane 1:18

Kuduhu imunu wowose iyamwonile Imulungu. Ila Imwana yaliyeka, yeghalile ne Imulungu iyelungile na Aba, iyo iyatulongele mbuli tse Imulungu.

Matei 4:3

Baho Setani kamghendela, kamlongela, “Ka ghweghwe kwa Imwana we Imulungu, ghalongele ghamabwe ghano ghawe pfighate.”

Matei 23:7

Wonoghela kulamsighwa mmasoko na kukemighwa ne iwanu, ‘Mlangulitsi.’

Matei 23:8

Lekeni mwemwe mleke kukemighwa ‘Mlangulitsi,’ kwaapfila mna Mlangulitsi yumwe yaliyeka, na mwemwe mwose mwawandughu.

Maliki 15:32

Leka tumlole ayu Kiristu, Imndewa wa Isiraeli, sambi ahulumke mna msalaba, na twetwe tutsomtoghola!” Kuya, iwanu wala weli iwakondekighwe mne misalaba hamwe na Yesu pfipfila wamligha.

Luka 1:35

Malaika kamwidika, “Ghumuhe Mwenzeka katsokutsila, na ngupfu tse Imulungu tsitsokughubika. Apfo imwana mwenzeluka katsakwelekighwa, katsokemighwa Imwana we Imulungu.

Yohane 1:50

Yesu kalonga, “Kwotoghola kwaapfila tsanikulongela nikwona kukala hasi he mkuyu? Kutsakwona makulu kubita agho.”

Yohane 4:31

Ichipindi chichila iwanang'ina wake wang'ali womlomba Yesu, “Mlangulitsi tanu diya!”