Ughubulo 3:17 - Laghano Lya Sambi Kwe Iwanu Wose

¹⁷ Ghweghwe kwelongela, kuna mali, kwenela, ng'ubama bae chinu chochose, kumbe ghweghwe ng'umanya bae ka kwa mnyonge, kwobama wonelighwe libatsi, ghweghwe kwa muhingwa, kwa chifita na kwa chidako!

Ughubulo 3:17 Referans Kwoze

Ughubulo 2:9

Noghamanya maghayo ghako, nomanya uhingwa wako, lekeni kwa kulongesa ghweghwe kuna mali nyingi ghendo. Nomanya maligho ghulighighwe na awala iwekema Wayahudi lekeni si Wayahudi ghendo bae, ila wa kingili lya Setani.

Waroma 7:24

Nene miyenu! Yuhi iyodaha kung'ombola mne lukuli luno ilunighala mne lifwa?

Luka 1:53

Kawaghutisa wane inzala kwa pfinu pfinoghile, na kawawinga matajiri ghamoko ghaliyeka.

Matei 9:12

Yesu hayahulike apfo, kawalongela, “Si iwanu waghima bae iwobama mghanga, ila iwatamu iwo iwobama mghanga.

Ughubulo 16:15

“Lola! Nakutsa ka mbapfi! Kabweda ayula iyokala bila kuwasa, na kupfala maghwanda ghake, ili yaleke kwanga chidako na kwighuma chinyala.”

Waroma 12:3

Kwa uluso wangaile Imulungu, nomlongelani mwemwe wose, chila munu yaleke kwibona kamkulu kubita pfayabamighwa yawe, lekeni mwilolese iwenyegho ka Imulungu pfayamgholele chila imunu ukutoghola kwake.

2 Petiri 1:9

Lekeni ka imunu kahela agho ghose, ayo ng'odaha kwona ghoya, kachifita ghendo, na kesemwa ka kadeghetesighwa nzambi tsake tsa ghumwande.

Matei 5:3

Wabweda iwanu wala iwomuhuwila Imulungu, kwaapfila Undewa we kulanga wawo.

Luka 6:24

Lekeni mtsoghaya mwemwe matajili, kwaapfila mwemwe ma tsambokela ughima unoghile!

Waroma 11:25

Ndughu tsangu sibama bae mleke kumanya mbuli ino, nobama mmanye ili mleke kwibona mna mbutsi ng'ani. Usughu wa Waisiraeli tsaukala wa chipindi chidogho, mbaka iwanu wa isi tsingi hawatsomuyila Imulungu.

Waroma 11:20

Pfinogha! Tsaghaghanighwa kwaapfila ng'aghatoghole bae, lekeni mwemwe mwakwima kwaapfila mtoghola. Lelo mleke kwighoda ila mpfuke.

Ughubulo 3:16

Lekeni kwaapfila ghweghwe kuleleuka, ng'upfegha bae wala ng'usoma, apfo nahabehi kukudeka ulawe mumlomo mwangu.