Matei 8:14 - Laghano Lya Sambi Kwe Iwanu Wose

¹⁴ Yesu hayapfikile ukaye kwa Petiri, kampfika mai wake mkwe Petiri kawasa mlusatsi, koghula lihoma.

Matei 8:14 Referans Kwoze

1 Wakolinto 9:5

Apfi twahela haki ye ukumsola mwehe iyomtoghola Kiristu na kwanga naye mne ghumwanza ka pfawotenda iwatumighwa wangi na iwandughu we Imtwatsa na Kefa.

Matei 17:25

Petiri kawedika, “Ona.” Petiri hayengile mng'anda, Yesu kandusa kulonga, “Simoni ukonatse? Iwandewa we isi wosola kodi au maliho kwe iwanu wachi, kwe iwana wawo au kwe iwahenza?”

Waeburaniya 13:4

Iwanu iwekwelile wehulikitse, mmale au mwehe yaleke kuwasa ne imunu yungi. Imulungu katsowahigha waghoni na watsinzi.

1 Timoteo 4:3

Watsowaghoma iwanu waleke kukwela, waleke ukuja ipfijo pfimwenga, ipfijo pfalumbile Imulungu pfibokelighwe kwa kulonga mighede ne awala wane inoghola iwomanya kweli.

1 Timoteo 3:2

Lelo mlongotsa kingili lye iwanu we Imulungu aleke kuwa na ghamatotso, awe mmale yane mwehe yumwe na adahe kuwa na chiyasi na inzewele na iyoulikitsighwa, na iyowabokela iwahenza na amanye ukulangulitsa,

Matei 8:20

Yesu kamwidika, “Iwambwa wa kumuhulo wana tsimango, na pfideghe iwali mlanga wana pfibali, lekeni imwana we imunu kahela hanu ha ukuwasitsa litwi lyake.”

Matei 8:15

Kamkinda ghumoko ghwake na lihoma limlawa, naye kenuka kandusa kumtumikila.