Matei 7:2 - Laghano Lya Sambi Kwe Iwanu Wose

² kwaapfila pfamuwahigha iwanu wangi, namwe pfipfila mtsohighighwa pfipfo, na chamuwahighila iwanu wangi, Imulungu katsotumila chicho kuwahighani mwemwe.

Matei 7:2 Referans Kwoze

Yakobu 2:13

Kwaapfila Imulungu ng'atsomwonela libatsi bae imunu wowose iyalihela libatsi. Lekeni libatsi lyohuma ukuhigha.

Maliki 4:24

Pfipfila kawalongela, “Mtegheletse ghoya chamuhulika! Ghamalaghitso ghamuwahighila iwanu wangi, Imulungu katsowahighila ghamalaghitso ghagho, kuya mtsakongetsighwa.

Luka 6:38

Muweng'e iwanu wangi, ne Imulungu katsomwing'ani. Namwe mtsobokela ichipimo chimemile mbaka chakwitika. Kwaapfila ichipimo chamtumila kwe iwanu wangi, Imulungu katsochitumila chicho kuna mwemwe.”

Ughubulo 18:6

Mtendeleni ka pfayawatendele mwemwe, mliheni mala mbili kwa aghala ghayatendile. Mne chikombe chila chayahanganyile idipfai yake, Mhanganyileni idipfai ng'ali mala mbili kubita iyaweng'ileni mwemwe.

2 Wakolinto 9:6

Lekeni mkumbuke mbuli ino, iyohanda chidogho kopfuna chidogho, iyohanda nyingi kopfuna nyingi.

Matei 6:14

“Mng'awaleghusila iwanu ghamatotso ghawo, na Aba wenu iyali kulanga pfipfila katsowaleghusila ghamatotso ghenu.