Matei 5:4 - Laghano Lya Sambi Kwe Iwanu Wose

⁴ Wabweda awala wane usungu, kwaapfila watsokanzighwa.

Matei 5:4 Referans Kwoze

Ughubulo 21:4

Naye katsobaghusa chila sotsi. Kutsakuwa kuduhu keli ukufa, au kunyanyana, au kulila au usungu, kwaapfila aghala gha ghumwande ghahupa.”

Luka 6:21

Mbweda mwemwe yamne nzala sambi, kwaapfila mwitseghuta! Mbweda mwemwe yamlila sambi, kwaapfila mtsosekelela!

Yakobu 1:12

Kabweda imunu yula iyodudumila hayoghetsighwa, kwaapfila hatsoluta mne ukughetsighwa katsobokela ghweko lya ughima, lila Imulungu lyawalongele katsoweng'a awala iwomnoghela.

Luka 16:25

“Lekeni Abrahamu kamwidika, ‘Wikumbuke mwanangu, mne ughima wako tsakubokela apfila ipfinoghile na Lazali tsakabokela ipfihile. Lekeni sambi Lazali kabahano kodeng'elela, naghwe kwodununzika.

Luka 6:25

Mtsoghaya mwemwe yamwighutile sambi, kwaapfila hambele mtsakona inzala! Mtsoghaya mwemwe yamsekelela sambi, kwaapfila hambele mtsoghanzika no kulila!

Luka 7:50

Yesu kamlongela ipinga hayo, “Ukutoghola kwako kukukombola. Ughende tseghamba.”

Luka 7:38

Kema habehi na ghamaghulu gha Yesu, kolila na ghamasotsi ghake ghamlaghalila Yesu. Kuya kabaghusa ghamaghulu gha Yesu kwa tsimvili tsake, kaghanonela na kabaka ghamafuta aghala, mmaghulu mwa Yesu.