Matei 22:44 - Laghano Lya Sambi Kwe Iwanu Wose

⁴⁴ ‘Imtwatsa kamlongela Imtwatsa wangu, ukale hano hane ghumoko ghwangu ghwa kujilo mbaka niweke iwokuhila hasi he ghamaghulu ghako.’

Matei 22:44 Referans Kwoze

Waeburaniya 1:13

Imulungu ng'amlongele mbe malaika wowose, “Ukale hano ubali wangu wa kujilo mbaka hanitsoweka wehile wako hasi ha ghamaghulu ghako.”

1 Wakolinto 15:25

Kwaapfila Kiristu kobamighwa yatawale mbaka Imulungu yaweke iwanebe wose hasi he ghamaghulu ghake.

Waeburaniya 1:3

Yeye katumwemwesela utunitso we Imulungu, na keghala ghendo ne Imulungu imwenyegho pfayali. Kaikindilisa isi yose ighendelele kuwa baho kwa mbuli yake ine ingupfu. Hamalitse sang'ano ya kuwatenda iwanu wele kulawa mne nzambi tsawo, kakala kulanga ubali wa ghumoko ghwe kujilo ghwe Imulungu.

Waeburaniya 12:2

Tumtsodelele tsinenge Yesu iyanduse ukutoghola kwetu na iyatsoitimitsa. Kwaajili ye ndeng'elelo ikighwe hambele hake tsakaududumila msalaba, tsakona ichinyala si chinu bae, naye kokala ghumoko ghwa kujilo ghwe chighoda che undewa che Imulungu.

Ughubulo 19:19

Kuya nimwona imnyama yula mkulu ne iwandewa we iisi ne asikali wawo wetingana hamwe ili wetowe na ayula iyadinile falasi mtselu na asikali wake.

Wafilipi 3:8

Si agho ghaliyeka bae, ghose noghona si chinu bae kwaajili ya unoghelo mkulu ng'ani wa kummanya Yesu Imtwatsa wangu. Kwaajili yake nyasa chila ichinu, noghona agho ghose ka mipfi, ili nimpate Kiristu,

1 Wakolinto 1:2

Twomwandikilani mwemwe kanisa ilili mne ghumji ghwa Kolinto, mwemwe imkemighwe muwe iwanu wake wahenzeluka kwa ukwilunga na Yesu Kiristu, hamwe na wala wose iwali chila hanu iwomlomba Imtwatsa wetu Yesu Kiristu.

Yohane 20:28

Tomasi kamwidika, “Imtwatsa wangu na Imulungu wangu!”

Luka 19:27

Sambi awala iwehile wangu iwolema nene ndeke kuwa mndewa wawo, waghaleni hano na muwakome aku nene nolola.’ ”

Matei 22:45

Ka Daudi komkema, ‘Imtwatsa,’ lelo ikuwatse awe imwanaghe?”

Matei 26:64

Yesu kamwidika, “Ghweghwe kwolonga. Lekeni nowalongelani wose, kulawa sambi na kughendelela mtsomwona Imwana we Imunu kakala ubali wa kujilo we Imulungu Yane ingupfu, kakutsa mne ghamawingu gha kulanga.”

Maliki 16:19

Yesu hayamalitse kulonga ne iwanang'ina wake, kasolighwa kulanga, kakala ghumoko ghwa kujilo ghwe Imulungu.