Matei 20:21 - Laghano Lya Sambi Kwe Iwanu Wose

²¹ Yesu kamghutsa, “Ubama choni.” Ipinga ayo kamwidika, “Chondechonde, ulaghitse wanangu wano weli wakale ubali wako wa kujilo na wa kumoso mne undewa wako.”

Matei 20:21 Referans Kwoze

Matei 19:28

Yesu kawalongela, “Nowalongelani ghendo, mne isi iikutsa, Imwana we Imunu hayatsokala hane chighoda chake cha utunitso, mwemwe imniwinzile nene pfipfila mtsokala mne pfighoda kumi na pfili, kughahigha makabila kumi na meli gha Isiraeli.

Matei 18:1

Bahala iwanang'ina wamghendela Yesu, wamghutsa, “Yuhi iyali mkulu mne undewa wa kulanga?”

Ghamatendo 1:6

Iwatumighwa hawetingane na Yesu, wamghutsa, “Imtwatsa, pfii matsuwa ghano kutsowoyitsila Waisiraeli Undewa?”

Maliki 6:22

Neghe Herodiya hayengile tsakapfina, kamdeng'elesa Herodi ne iwahenza wake. Apfo imndewa kamlongela imwana ayo, “Unilombe ichinu chochose chaubama, nitsokwing'a.”

Matei 20:32

Yesu kema, kawakema kawaghutsa, “Mwobama niwatendele choni?”

Wakolosai 3:1

Lelo ka mtsilihuka hamwe na Kiristu, mwipfikitse aghala ighali kulanga, akula kwayali Kiristu, ako kakala hanu ho ukutawala ubali we ukujilo we Imulungu.

Waroma 12:10

Mwinoghele ka mwa wandughu, mwihulikitse wenyegho kwa wenyegho.

Yohane 15:7

Mng'akala mghati mwangu na mbuli tsangu tsing'akala mghati mwenu, mlombe chinu chochose chambama, mtsokwing'ighwa.

Luka 22:24

Pfipfila wandusa kwihisanya yuhi mna wawo yatsakuwa mkulu kubita wose.

Luka 19:11

Hawahulike agho, Yesu kaghendelela kuwalongela imbuli, kwaapfila tsakakala habehi na Yerusalemu, nawo tsawapfikitsa ka undewa we Imulungu wahabehi kulawila.

Luka 18:41

“Kwobama nikutendele choni?” Kedika, “Imtwatsa, nobama mbone.”

Maliki 10:51

Yesu kamghutsa, “Kwobama nikutendele choni?” Ichifita ayo kamwidika, “Mlangulitsi, nobama kwona.”

Waroma 8:34

Lelo yuhi yatsowahigha? Kuduhu! Kwaapfila Yesu Kiristu tsakafa, kuya katsilihulighwa! Na kokala ghumoko ghwa kujilo ghwe Imulungu, naye yuyo iyotulombela.

Maliki 16:19

Yesu hayamalitse kulonga ne iwanang'ina wake, kasolighwa kulanga, kakala ghumoko ghwa kujilo ghwe Imulungu.

Matei 20:22

Yesu kawalongela, “Ng'ammanyile bae achila chamlomba. Angu mwodaha kunwela ichikombe chanitsonwela nene?” Wamwidika, “Twodaha.”