Luka 8:9 - Laghano Lya Sambi Kwe Iwanu Wose

⁹ Iwanang'ina wake wamghutsa Yesu imbuli ino ina mana yachi?

Luka 8:9 Referans Kwoze

Maliki 4:10

Yesu hayakalile aliyeka, iwanang'ina kumi na weli ne iwanu wangi wamghutsa imbuli ayo ilonga choni.

Matei 13:18

“Lelo mtegheletse mana ya ghumfano ghwe imunu iyohanda.

Matei 13:10

Iwanang'ina wake wamghendela wamghutsa, “Ule ulonga ne iwanu kwa imifano?”

Yohane 15:15

Sitsowakema keli mwemwe watumwa bae, kwaapfila mtumwa ng'omanya sang'ano tse mtwatsa wake. Lekeni nowakema mwemwe sale tsangu, kwaapfila niwalongela ghose ghanihulike kwa Aba wangu.

Maliki 4:34

Ng'alongile nawo bae ichinu chochose bila ye imbuli. Lekeni hawakalile ne iwanang'ina wake waliyeka, kawalongela chila ichinu.

Matei 15:15

Petiri kamlongela, “Utulongele mana ye ghumfano ghuno.”

Matei 13:36

Kuya Yesu kaghuleka mtingano ghwe iwanu kaghenda mng'anda, iwanang'ina wake wamghendela, wamlongela, “Utulongele ghumfano ghwe imighughu ghutulangulitsa choni?”