Luka 23:9 - Laghano Lya Sambi Kwe Iwanu Wose

⁹ Apfo Herodi kamghutsa mbuli nyingi, lekeni Yesu ng'amwidike bae.

Luka 23:9 Referans Kwoze

Matei 27:14

Lekeni Yesu ng'edike imbuli yoyose bae, mkulu ayo kakangawala ghendo.

1 Petiri 2:23

Hawamlighile, yeye ng'awalighile bae, hawamdununze, yeye ng'awatendile wapfuke bae, ila kamlolela Imulungu iyohigha ghoya.

Ghamatendo 8:32

Imunu ayo tsayang'ali yosoma hanu hano he Ghamaandiko Mahenzeluka, “Tsakakala ka ing'olo iyoghalighwa kuchinjighwa, ka imwana we ing'olo pfayonyamala hayoghanighwa imighala, naye ng'alongile imbuli.

Luka 13:32

Yesu kawedika, “Mghende mumlongele ayu yumbwa wa kumuhulo, ‘Leloli na ilupfi nolapfa ipfinyamkela na kuwahonetsa iwanu, na mne litsuwa lya kadatu nitsomalitsa isang'ano yangu.’

Matei 7:6

“Mleke kuweng'a iwambwa achila ichideghete hela watsomhundukilani na kuwaluma. Mleke kuwasila iwangubi lulu tsenu hela watsosibayugha kwa maghulu ghawo.

Matei 27:12

Iwabala we inambiko ne iwakulu hawang'ali womwing'a ghamaghomba, ng'edike chochose bae.

Maliki 15:5

Lekeni Yesu kalema kwidika keli, Pilato kakangawala.

Luka 23:10

Wakulu we inambiko na Walangulitsi wa Ghamalaghitso tsawema hala, wamlapfila Yesu maghomba kwe ingupfu.

Yohane 19:9

Kengila keli mng'anda kamghutsa Yesu, “Angu ulawila kwani?” Lekeni Yesu ng'edike bae.