Luka 23:2 - Laghano Lya Sambi Kwe Iwanu Wose

² Wandusa kumlapfila maghomba, walonga, “Tumwona imunu yuno kowaghisa iwanu wetu. Kawaghoma kuliha kodi kwa mndewa wa Roma, kuya kolonga yeye iyo Kiristu, imndewa.”

Luka 23:2 Referans Kwoze

Yohane 19:12

Pilato hayahulike apfi, kabama nzila ya kumlekelela Yesu. Lekeni Wayahudi wadama, “Ung'amlekelela, ghweghwe si sale wa mndewa wa Roma bae! Imunu wowose iyolonga ka imndewa komlema mndewa wa Roma!”

Luka 23:14

kuya kawalongela, “Mumghala imunu yuno kuna nene ka imunu iyowaghitsa iwanu wehisanye na undewa wa Roma. Nene nilamla mbuli tsake akuno mwemwe mwolola, lekeni sonile bae chochose chihile mne maghomba ghamlongile kuna yeye.

Ghamatendo 24:5

Tumwona imunu yuno ka mghobo, kandusa hengele mghati mwa Wayahudi wose muisi mwose. Naye ka chilongotsi wa Wanatsareti.

Yohane 18:30

Wamwidika, “Ka ng'atendile totso tung'alekile kukughalila.”

Maliki 12:17

Kuya Yesu kawalongela, “Mmwing'e Kaisari pfa Kaisari na mmwing'e Imulungu pfe Imulungu.”

Matei 22:21

Wamwidika, “Pfa Kaisari mndewa wa Roma.” Apfo Yesu kawalongela, “Lelo, mwing'eni Kaisari aghala gha Kaisari na mwing'eni Imulungu aghala ghe Imulungu.”

Ghamatendo 24:13

Nawo ng'awodaha bae kukulangusa maghomba ghawo kuna nene ka gholongesa.

Luka 23:5

Lekeni wawo wakomangitsa ghendo, “Kwa ghamalangulitso ghake kowasongetsa iwanu iwali Yudeya yose wehisanye na undewa wa Roma. Kandusila Galilaya mbaka akuno.”

Matei 17:27

Lekeni, ng'atubama bae kuwadesa iwanu wano, ghenda kune tsimbu, wase ludodi lwako. Umsole isomba yula yulongole kumlowa, umwasame mlomo ghwake kuya kutsakona isendi. Isole ukaweng'e kwaajili ya kodi yangu na yako.”

Matei 27:11

Yesu tsakema hambele ha imkulu wa Roma, na imkulu ayo kamghutsa, “Angu ghweghwe kwa Imndewa wa Wayahudi?” Yesu kamwidika, “Ghweghwe kolonga.”

Maliki 15:2

Pilato kamghutsa Yesu, “Apfi ghweghwe kwaimndewa wa Wayahudi?” Yesu kamwidika, “Ona, ka ghweghwe pfaulonga.”

Yohane 18:29

Pilato kalawa kunze kawaghutsa, “Apfi imunu yuno kana ghomba lyachi?”

Waroma 13:7

Apfo weng'eni chochose chowomdahini, imunu wa kodi, mwing'eni kodi yake, iyobama kupfukighwa, mpfukeni.