Tatatai 22:10 - Label

¹⁰ Pa i atai iau mang, “Gong u pidik alar a warwara na propet mite na buk ne, anasa a taem ning a ututnala ne ir hanot ono ka milau.

Tatatai 22:10 Referans Kwoze

Tatatai 1:3

Esining ir was a warwarala na propet ne ir angis, pa la otleng ning lar longori pa lar muri, la otleng lar angis, anasa a taem ning a ututnala ne ir hanot ka milau.

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

Tatatai 10:4

Ning mais a pungpugur la ka warwara rop, a mang suar tumtumus, ika a longor a elngen takai misaot na langit i atongi mang, “Gong u tumus akes a warwarala ning mais a pungpugur la ka atong tari, ur pidik alari ka.”

Matiu 10:27

Asaning a atai mulo ono ana mormorom, mulor atatai ono ana kabakiar, pa asaning di wasisik ka ono tetek mulo, mulor tur saot ana rumai, pa mulor atong puasa i.

A Pas ane Pol tetek a tarai Rom 13:12

Ka morom pas, pa milau ir kabakiar. I maining dalar suah sen a toltol miting na mormorom, pa dalar mermer taum ana ututnala na harum miting na talapor.

Tatatai 22:16

“Iau e Iesu, a sune sen anuka angelo suir saran a warwara talapor ne tetek mulo, a tarai a lotu ting na hananuala. Iau a wakir o e Dewit pa e tubuna, pa matlai ning i talapor kol.”

Tatatai 5:1

Lamur a oroi a buk ting na sot a kuna esaning i kes ana keskes a king. A buk ning di ka hin tari, di ka tumtumus rop tar ana naur a risna, pa di ka bulit alar tari ana mais a bulit.

2 Tesalonika 2:3

Gong mulo noren pas tik sur ir asongo mulo ana ta ngas a ngas. Anasa a pukakiar ning belot ir hanot, tuk ning al galis a tarai lar tabun longor tetek e God, pa a barsan na kutus warkurai ir hanot talapor, esaning ir hirua.

Tatatai 22:20

Esaning i warwara talapor ana ututnala ne i atongi mang, “Momol, milau ma ar hanot.” Amen. Han ute a Leklek e Iesu.

A Pas ane Pol tetek a tarai Rom 13:11

Mulor toli larning, pa mulor oroi lalan a pukakiarla onone. A pukakiar ka hanot sur mulor mata. Anasa ning dala turpas a tortorot o e Karisito, a pukakiar ning e God ir alaun dala, belot i milau kol, ika onone ka milau.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 22:7

E Iesu i atongi mang, “Oroi, milau ma ar hanot! Esining i mur a warwara na propet mite na buk ne, i angis.”

Tatatai 22:9

Ika i atai iau mang, “Gong! Iau otleng a tena titol oros ka arlar hom pa na tastasim, na propet, pa la rop otleng ning la mur a warwarala mite na buk ne. Ur lotu tetek e God!”

Tatatai 22:18

A atumarang la rop ning la longor a warwara na propet mite na buk ne: Ning tik ir tugus tar ta warwara masik ona warwara na propet ne, e God ir tugus tar otleng na akadik teteki, ning di ka warwara talapor tar ono, te na buk ne.