Tatatai 19:19 - Label

¹⁹ Lamur a oroi a rokoio a inagoi pa kingla mite na rakrakan hanua, pa anunla na kunum a tarai a harum ning la han taum sur lar harum taum o esaning i kas ana hos pa nuna kunum a tarai a harum.

Tatatai 19:19 Referans Kwoze

Tatatai 16:16

Pa natol a mot ditol ben taum tar a kingla uting na pukna ning di atongi ana warwara Hibru mang Amagedon.

Tatatai 16:14

Ditol natol a mot, pa ditol tol a akinalangla, pa ditol han sarara sur na king miting na rakrakan hanua rop, sur ditol ir ben taum la sur a harum ana tnan pukakiar ane God, esaning i rakrakai kol.

Tatatai 18:9

“Na king mite na rakrakan hanua, ning la tol a laulauna taum ana pamuk a hane ning, pa la ka kibas taum a nuna na gongon miting na nuna keskes na leklek, ning lar oroi a sasawan na iah ning di tun a hane ning ono, lar bal maris pa lar tangis.

Tatatai 14:9

A munatol a angelo i mur diau pa i warwara ana tnan elngena mang, “Ning tik ir lotu tetek a rokoio a inagoi pa a manarna, pa ir kibas anuna akinalang ting na patarna o a kuna,

Tatatai 11:7

Ning dia ka arop sen a nundiau a warwara talapor, a rokoio a inagoi ir han kas kusun a tnan tung ning bel al araropna. Ir harum taum on diau, pa ir tolsot pas diau pa ir um kol sen diau.

Tatatai 19:21

Di um kol sen a nundiau a kunum a tarai a harum ana liwan a harum kaning na pahana esaning i kas ana hos. Pa manila rop la ien a sis a palaonla pa lar masur onoi.