Tatatai 19:15 - Label

¹⁵ Pa liwan na harum ning i harat kol kaning na pahana i gom pasi, suir kot na tarai miting na matanitula ono, pa ir warkurai rakrakai la ana bulse na aen. I pas gingini a wana wain ting na tung a hat ning i tur aslang a ngalngaliah a balakut ane God, esaning i rakrakai kol.

Tatatai 19:15 Referans Kwoze

Tatatai 1:16

I tong mais a nangnang ana sot a kuna, pa a liwan na harum naur a risna rop dia harat kol, kaning na pahana i gom pasi. Pa patarna i arlar ana kamis ning i sasai kol.

2 Tesalonika 2:8

Lamur a barsan na kutus warkurai ir hanot talapor, pa a Leklek e Iesu ir kamar seni ana wuwu na pahana, pa ir alaulau i ana matatar ana nuna tinan ot.

Tatatai 19:21

Di um kol sen a nundiau a kunum a tarai a harum ana liwan a harum kaning na pahana esaning i kas ana hos. Pa manila rop la ien a sis a palaonla pa lar masur onoi.

Tatatai 12:5

Pa i agon pas a kaklik barsan, esaning ir warkurai rakrakai na tarai miting na matanitu rop ana bulse na aen. Pa di kibas kapit pas a kaklik usaot tetek e God, pa uting na nuna keskes a king.

Tatatai 2:16

Mulor lingir a nuknukimulo! Ning bel, ar hanot kapit tetek mulo, par harum taum onla ana liwan a harum ning kane na pahak a gom pasi.

Tatatai 2:12

“Ur tumtumus tetek a angelo anuna tarai a lotu tumo e Pergamum mang: Na warwara ne anun e esaning anuna liwan na harum naur a risna rop dia harat kol.

Tatatai 14:10

i otleng ir gang ting na wain a balakut ane God. A wain ne di ka sang tari, a rakrakaina i itna kol, pa di peki ting na kap a balakut ane God. Dir akadiki ana iah pa salfa salanigo tana Nat a Sipsip pa na totoh a angelo ane God.