Tatatai 11:3 - Label

³ Par saran tar a rakrakai tana nuk naur a tena warwara talapor hok, diar mermer ana kaen a tobo pa diar warwara na propet pas ana 1,260 a pukakiar.”

Tatatai 11:3 Referans Kwoze

Tatatai 12:6

Pa a hane ning i liu uting na hanua bel, sur uting na pukna ning e God ka sang tari, sur dir tai alari arlar ana 1,260 a pukakiar.

Tatatai 11:2

Ika ur madek sen a pukna tumo lapiu na rumai a artabar, gong u mak tari. Anasa di ka saran tari tetek a tarai ning belsur a tarai ane God, pa lar pas dur a totoh a hanua ane God arlar ana diat a bonot pa naur a kalang.

Tatatai 13:5

Di malmaling tar a rokoio a inagoi suir atong a warwarala na iaunan pa warwarala ning ir anan e God ono, pa ir titol pas ana nuna warkurai diat a bonot pa naur a kalang.

Aposel 13:31

Pa galis a pukakiar, la ning nating la armuri taum onoi mitimo e Galili usaot e Jerusalem la oroi. Pa onone la warwara talapor onoi tetek a tarai Israel.

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Luk 24:48

Mulo a tena warwarala ana ututnala ne mulo ka oroi tari.

2 Korin 13:1

Ine a munatol a tinan anuki tetek mulo. Pa di ka tumus tari ting na Buk Tabu mang, “Ning ir naur o ir natol anunla a warwara i takai ka on ta utna, anunla a warwara i momol.” Lo 19:15

Aposel 2:32

E Iesu ot ning, e God i akamtur pasi kusun a minat, pa mila rop mila oroi pa mila warwara talapor onoi.

Jon 15:27

Pa mulo otleng mulor warwara talapor hok, anasa mulo kes taum hok ana nuk a kamkama titol tuk onone.

Matiu 18:16

Ning bel ir longor u, ur ben ulak pas tik o ir naur sur diar nangan u. Anasa a Buk Tabu i atongi larne, ‘Ning ir naur o ir natol anunditol a warwara i momol.’

Tatatai 19:10

Lamur a punga hanrawai napir naur a hana suar lotu teteki. Ika i atai iau mang, “Gong! Iau otleng a tena titol oros ka lar u pa na tastasim ning la tong akes a warwara talapor o e Iesu. Ur lotu tetek e God! Anasa a warwara talapor o e Iesu i akamtur a tarai sur lar warwara na propet.”

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,

Aposel 3:15

Pa mulo umkol e Iesu, ning a kama lalaun, ika e God i akamtur ulak pasi kusun a minat. Pa mila oroi i, pa mila warwara talapor onoi.

Tatatai 20:4

Pa oroi na keskes a king, pa la ning la kes saot on la, ning di ka saran tar a rakrakai tanla sur lar warkurai. Pa a oroi a ingun a tarai ning di ka kot kutus sen a pukulunla, anasa ana nunla na warwara talapor o e Iesu pa ana warwara ane God. Bel la lotu tetek a rokoio a inagoi pa a manarna, pa bel di kibas a akinalang anuna rokoio a inagoi ting na patarinla o ting na kunla. La laun ulak pa la warkurai taum o e Karisito ning a rip a rau.

Epeses 4:11

I ot ning i saran a artabarla ning tetek anuna taraila larne: a aposella, a propetla, na tena warwara talapor ana Wakak a Warwara, a tena tai alarla, pa a tena asaerla,

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

Jon 3:27

E Jon i atai la mange, “Ning e God saot na langit bel i saran tar ta utna tetek tik, bel ir kibasi.

Matiu 11:21

I atongi mang, “Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Luk 10:13

“Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, a tarai Tair pa tarai Saidon la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Tatatai 11:6

Naur a barsan ne dia tong akes a rakrakai sur diar sairas a bakut, sur gong a kiar i punga ana taem ning dia warwara na propet. Dia tong akes otleng a rakrakai sur diar keles a malum sur a suluk, pa diar dapis a rakrakan hanua ana urmatana ngas a akadik rop ana puka kamisla ning dia mang.