Tatatai 1:2 - Label

² E Jon i warwara talapor ana ututnala rop ning ka oroi tari. Ine a utna ning, a warwara ane God pa a warwara talapor ane Iesu Karisito.

Tatatai 1:2 Referans Kwoze

1 Korin 1:6

I toli larning, anasa anumila a warwara talapor o e Karisito tetek mulo, ka hanot talapor ting na numulo na lalaun.

Tatatai 12:17

Pa dregon i balakut kol tetek hane ning, pa i han suir harum taum dingla na natnatna a hane otleng ning. La ning la sira longor ana warkurai ane God, pa la sira mur a warwara talapor o e Iesu.

1 Jon 1:1

Mila warwara talapor o esaning a Warwara na Lalaun. Natnating ot ning belot di akes a rakrakan hanua, i laun. Mila ka longor tari, mila ka oroi tari ana matamila, mila oroi momol tari ot, pa mila tong ot a palaona.

Jon 21:24

A kaklik asasaer kane, i ning i warwara talapor ana ututnala ne, pa i tumus akesi. Pa dala tasmani mang anuna warwara talapor, i momol kol.

Jon 19:35

A kaklik asasaer ning i oroi a ututnala ne, i warwara talapor onoi sur mulo otleng mulor tortorot. A warwara talapor ne i momol, pa i ot i tasmani mang i momol.

Tatatai 1:19

“Ur tumusi ma a ututnala ning u ka oroi tari: a ututnala ning ka hanot pa a ututnala ning ir hanot lamur.

Tatatai 1:9

Iau e Jon, a tasimulo pa a halimulo ning dala tur taum o e Iesu ana kankan, pa ana nuna matanitu pa a tuntunur rakrakai ning dala kilang a kankan. A kes na dodot tumo na lolo Patimos, anasa a warawai ana warwara ane God, pa a warwara talapor ane Iesu.

Aposel 26:16

Ur kamtur. A hanot tetek u, anasa a aslang pas u, sur ur tol anuka titol pa ur warwara talapor ana ututnala, u ka oroi tari hok, pa a ututnala otleng ning ar asangani tam.

Jon 12:17

A galis a tarai ning la tur taum o e Iesu ning i kabah purum pas e Lasarus kusun a kulam a minat pa i alaun pasi, la ning la warwara talapor onoi.

Tatatai 6:9

Ning a Nat a Sipsip i pilik sen a mundilima bulit, a oroi a ingunla ning di ka um kol tar la, anasa la mur sot pas a warwara ane God pa la warwara talapor ono. A oroi la ting lain a logo na tun artabar.

1 Jon 4:14

E Tamana i saran e Natnalik sur ir Tena Alaun anuna rakrakan hanua, pa mila, mila ka oroi tari, pa mila warwara talapor onoi.

1 Korin 2:1

Na tastasik, ning a hanot tetek mulo pa a warawai ana warwara talapor o e God, bel a warwara ana ngas a warwara ning a kep aitna pas iau onoi, pa bel a warwara ana ngas a warwara ning na tena tastasim la sira warwara onoi.

Aposel 4:20

Ika miau, bel miar sairas lar pas miau ana warwara ona ututnala ning mila ka oroi tari, pa mila ka longor tari.”

Jon 3:11

A atong momoli tam, mila warwara ana sa ning mila tasmani, pa mila warwara talapor ana sa ning mila ka oroi tari, ika bel mulo tortorot ana numila na warwara talapor.

Jon 1:32

Pa e Jon i warwara talapor mange, “Bel a tasmani esi e Karisito. Ika e God, ning i sune iau sur ar baptais ana malum, i atai iau mang, ‘Ur oroi a Talngan Tabu ir han purum pa ir kes ana ning a barsan. A barsan ning, ir baptais ana Talngan Tabu.’ Pa a oroi a Talngan Tabu i han purum misaot na langit, i arlar ana tabun pa i kes saot o e Iesu.

Tatatai 12:11

Na tastasindala la ka tolsot pasi ana suluk a Nat a Sipsip pa ana nunla na warwara talapor. Bel la mangan alar anunla a lalaun kusun a minat.

3 Jon 1:12

A taraila rop la warwara talapor o e Demitrius, mang a wakak a barsan, pa anuna momol a asasaerla otleng i warwara talapor onoi. Mila otleng mila warwara talapor onoi, pa u tasmani mang anumila na warwara i momol.

Aposel 22:15

Pa ur tena warwara talapor anunai tetek a taraila rop ana ututnala ne ning u ka oroi tari pa u ka longor tari.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 20:4

Pa oroi na keskes a king, pa la ning la kes saot on la, ning di ka saran tar a rakrakai tanla sur lar warkurai. Pa a oroi a ingun a tarai ning di ka kot kutus sen a pukulunla, anasa ana nunla na warwara talapor o e Iesu pa ana warwara ane God. Bel la lotu tetek a rokoio a inagoi pa a manarna, pa bel di kibas a akinalang anuna rokoio a inagoi ting na patarinla o ting na kunla. La laun ulak pa la warkurai taum o e Karisito ning a rip a rau.

Tatatai 22:21

A marmaris anuna Leklek e Iesu ir kes tetek a tarai rop ane God. Amen.