Taitus 3:5 - Label

⁵ i alaun dala, anasa ana nuna marmaris tetek dala, belsur on al tostos a titol ning dala ka tol tari. I alaun dala ning i pukur totoh pas dala. A Talngan Tabu i toli te na nundala a lalaun, ning i agon tona dala pa anundala a lalaun i hanot toh ono.

Taitus 3:5 Referans Kwoze

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

1 Korin 6:11

Dingla na tarai o mulo, nating mulo sira tol a toltolla ne. Ika, ana risan a Leklek e Iesu Karisito, pa ana Inguna e God anunla, e God ka gos pas mulo kusun anumulo na toltol laulau, sur mulo anuna taraila, pa ka atong mulo mang mulo na tena tostos.

1 Pita 3:21

A lomom i tur aslang a baptais ning i alaun mulo onone. Bel di baptais mulo sur dir gos sen a dur ting na palaomulo. A baptais i warwara talapor mang mulo tasmani mang mulo tostos namatana e God. Pa ir alaun mulo anasa ana kamkamtur ulak ane Iesu Karisito kusun a minat.

1 Pita 1:3

Dalar atong aleklek pas e God, a Taman anundala Leklek e Iesu Karisito. Ana nun a tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat,

A Pas ane Pol tetek a tarai Rom 12:2

Pa gong ma mulo oroi asasaer ana lalaun mite na rakrakan hanua. Mulor saran tar mulo tetek e God sur ir lingir a nuknukimulo, pa ir atonai, sur mulor tasman lalan a ngas a toltol ning e God i mang suri. A toltolla ning i wakak, i tostos kol, pa e God i gas onoi.

Epeses 2:4

Ika, e God i bukus ana marmaris! I alaun pas dala anasa i maris kol dala.

Epeses 5:26

sur la anuna tarai momol. Pa i gos totoh la ana malum pa anuna warwara.

A Pas ane Pol tetek a tarai Rom 11:6

E God ka aslang pas la ana nuna marmaris, bel ana titol ning la toli. Ngandek ning e God ir aslang pas dingla miting na tarai anasa ana titol ning la toli, bel a marmaris i ning.

Hibru 4:16

I maining dalar han tetek e God, anundala King, a tena marmaris, pa gong dala matmataut. Dalar han teteki sur dalar tong akes anuna marmaris, ning ir nangan dala ana nundala na mamahat.

Kolosi 3:10

pa mulo ka mermer pas ana tona lalaun. A tona lalaun ne, e God ot i saran tari ta mulo pa i sira atonai, sur mulor arlar ot ana manarna, pa mulor tasman momol e God.

Galesia 2:16

Ika, dala tasmani mang e God bel i atong tik mang a tena tostos ning i mur a Warkuraila. Ir atong tik mang a tena tostos ning i tortorot o e Iesu Karisito. Manglarning, dala otleng dala tortorot o e Karisito Iesu, sur dalar tostos namatana e God. Dala tostos ning dala tortorot o e Karisito, pa bel ana mur warkurai. Anasa, e God bel ir atong tik mang a tena tostos ning i mur a Warkuraila.

A Pas ane Pol tetek a tarai Rom 3:20

I maining bel tik ir tostos lar pas namatana e God anasa i mur anuna Warkuraila. A Warkuraila i sira asangan dala ka ana nundala na toltol laulaula.

1 Pita 2:10

Nating bel mulo na tarai ane God, ika onone mulo anuna tarai. Nating bel mulo kibas a marmaris ane God, ika onone mulo ka kibasi.

Epeses 4:23

Mulor saran tar mulo tetek e God sur ir atona a ingumulo pa nuknukimulo.

A Pas ane Pol tetek a tarai Rom 3:28

Anasa onone, dala tasmani mang e God i atong a taraila mang la tostos namatana, ana tortorot ka o e Iesu, pa bel ana mur warkurai.

A Pas ane Pol tetek a tarai Rom 9:11

Ning belot di i agon e Esau pa e Jekop, e God i atai e Rebeka mange, “A ningnigo ir titol tetek a murmur.” Stat 25:23 A warwara ne i hanot ning naur a kaklik belot dia tol ta wakakna pa ta laulauna. E God i toli larning sur anuna aslang ir arlar ot ana nuknukna. E God i kabah pas esining i mang suri, bel ana ta titol ning ka tol tari.

Luk 1:78

anasa ana tnan marmaris anuna God anundala. Pa ana nuna marmaris a talapor misaot ir sasai ot tetek dala.

Luk 1:54

I nangan anuna tena titolla, a tarai Israel, pa i nuk pas anuna marmaris

Luk 1:50

Anuna marmaris i kes tetek la ning la hanrawai i, i kes tetek a tarai tagun onone, pa tagun lamur.

Taitus 3:4

Ika ning a wakak a toltol pa a marmaris ane God anundala a Tena Alaun i hanot,

A Pas ane Pol tetek a tarai Rom 9:30

I maining asa dalar atongi ana ututnala ne? La ning bel a tarai Israel bel la rakrakai sur lar tostos namatana e God. Ika e God i atong la mang la tostos anasa ana nunla tortorot.

A Pas ane Pol tetek a tarai Rom 9:16

I maining, ning e God i aslang pas a taraila, bel i kamkamna ana nuknukinla pa ana ta titol ning la toli. Anuna aslang i kamkamna ot ana nuna marmaris.

A Pas ane Pol tetek a tarai Rom 4:5

Ir mangmangasa tetek a barsan ning bel i titol, ika i tortorot o e God, esaning i sira atong a tena laulaula mang la tostos? E God ir oroi lalan anuna tortorot pa ir atongi mang i tostos.

Luk 1:72

pa sur ir maris anundala mangis a tarai tagun nating pa ir tolsot pas anuna totoh na kunubus.

Matiu 3:11

A baptais mulo ana malum sur ir apuasa i mang mulo ka lingir a nuknukimulo. Ika esaning ir mur tak, a rakrakaina i itna tana rakrakaik. Bel a tostos sur ar los anuna su. A natarna kol tana. Ir baptais mulo ana Talngan Tabu pa iah.

A Pas ane Pol tetek a tarai Rom 11:14

Ana nuka titol ne, a mang sur ar akamtur a nuknuk ana nuka kaba tarai, sur lar ram omulo pa e God ir alaun pas hal onla.

Hibru 10:22

Manglarning, dalar han milau tetek e God ana momolna ting na balandala pa a rakrakai a tortorot, pa a nuknukindala ning i langolango kusun a artitiu ana toltol laulaula, anasa e Iesu ka lamir totoh tari ana sulukna. Dalar han milau teteki ana palaondala ning ka gos tari ana totoh a malum.