A Pas ane Pol tetek a tarai Rom 9:33 - Label

³³ Larotning di ka tumus tari ting na Buk Tabu mang, “Oroi! Ia ka suah tar a hat saot e Saion, a hat ning a tarai lar buh a hanla onoi, pa lar punga onoi. Ika tik ning ir tortorot onoi, anuna tortorot bel ir ame i.” Ais 8:14; 28:16

A Pas ane Pol tetek a tarai Rom 9:33 Referans Kwoze

A Pas ane Pol tetek a tarai Rom 10:11

Larning di ka tumus tari ting na Buk Tabu mang, “Esining ir tortorot onoi, bel ir amei.” Ais 28:16

A Pas ane Pol tetek a tarai Rom 5:5

Ning dala harnanai ana tortorot, dala tasmani mang asaning e God ka lele tar onoi ir hanot ot. Anasa e God ka saran tar a Talngan Tabu tan dala. Pa Talngan Tabu ka pek tar a marmaris ane God te na balandala.

1 Jon 2:28

Momol, a natnatukla, mulor patap tikin o e Karisito, sur gong dala matmataut pa gong dala meme namatana ana nuna tinan ot.

Pilipai 1:20

A tortorot mang bel ar tol ta utna ning ar meme onoi. Ar tur rakrakai pa bel ar matmataut, sur ar aitna bolbolos e Karisito ana nuk na toltol. Ning ar laun o ar mat, ar aitna pasi.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

Matiu 21:44

Esi ning ir punga tar ana hat ne, ir tagingini, ika esining a hat ne ir punga tar ono, ir tamire arlar ana kubus.

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

A Pas ane Pol tetek a tarai Rom 10:1

Na tastasikla, a mang kol sur e God ir alaun pas anuka tarai, a tarai Israel, pa sira nunung otleng larne.

Galesia 5:11

Na tastasikla, bel ma a asaer ulak a taraila ana kot talilis. Ine a kamkamna ning a tarai Juda la akadik iau. Ngandek ning ar asaer ot a taraila ono, bel lar akadik iau. Ika la akadik iau anasa a asaer a taraila sur lar tortorot ka ana rakai kutus ane Karisito.