A Pas ane Pol tetek a tarai Rom 8:35 - Label

³⁵ Esining ir asauran dala kusun a marmaris ane Karisito? A mamahatla? A kankanla? O ning dir akadik dala? O a munurak? O bel anundala al kaen? O ta utna na hinirua? O ning dir umkol dala ana liwan na harum?

A Pas ane Pol tetek a tarai Rom 8:35 Referans Kwoze

Jon 10:28

A saran a lalaun tikin tanla, pa bel lar hirua. Pa bel tik ir rasen la kusun a kuk.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

2 Korin 4:17

A mamahatla ning mila kilangi, bel i itna pa bel i kes bongnani, ika i saran a matatar tamila, a matatar ning bel ir rarop. A matatar ning i itna kol tana mamahatla ning mila kilangi.

A Pas ane Pol tetek a tarai Rom 8:39

pa al ngas a utna misaot pa mite lapiu, bel lar asauran dala kusun a marmaris ane God. Bel ta utna ana kidol a akakes ir asauran lar pas dala kusun a marmaris ane God, ning i saran tari tan dala o e Karisito Iesu anundala Leklek.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

1 Korin 4:11

Tuk onone mila sira murak, pa mila sira mos, mila sira pipis na taktaksilir a kaen, di sira um laulau mila, pa bel ta rumai anumila.

A Pas ane Pol tetek a tarai Rom 8:17

Pa ning dala na natnatnala, dalar kibas a ututnala ning e God ka lele tar ono. Dalar kibasi taum o e Karisito. Ning dala kilang a mamahat taum o e Karisito, lamur dalar kes taum onoi ting na nuna matatar.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

2 Tesalonika 2:16

Anundala Leklek e Iesu Karisito ot pa e God a Tamandala, i maris dala, pa ana nuna marmaris i tabar dala ana warwara na armoro ning bel ir rarop, pa i nangan dala sur dalar harnanai ana tortorot sur a wakakna ning ir toli.

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,

A Pas ane Pol tetek a tarai Rom 2:9

Pa ir saran a mamahatla pa a tnan kankan tetek la rop ning la tol a laulauna. Ir tol nigoni tetek a tarai Juda, pa lamur tetek a tarai masik otleng.

A Pas ane Pol tetek a tarai Rom 8:37

Bel. Anasa o e Karisito ning i maris kol dala, dala tolsot rop pas a ututnala ne.

1 Korin 4:12

Mila titol rakrakai ana kumila ot. Ning la atong laulau mila, mila atong angis la. Ning la akadik mila, bel mila keles la.

2 Korin 4:8

A mamahatla i barat mila te na risrisim mila rop, ika bel i alaulau mila. A galis a utna i aloklokron a nuknukim mila, ika bel mila manah.

2 Korin 4:9

A taraila la akadik mila, ika e God i kes ot taum o mila. La um mila, ika bel la umkol mila.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

Epeses 3:19

Pa mulor tasman a marmaris ane Karisito ning i itna tana tastasmai anuna taraila, sur mulor bukus ana kidol a lalaun ane God.