A Pas ane Pol tetek a tarai Rom 6:23 - Label

²³ Anasa a arlou ana toltol laulau a minat. Ika a artabar ane God a lalaun tikin o e Karisito Iesu anundala Leklek.

A Pas ane Pol tetek a tarai Rom 6:23 Referans Kwoze

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

A Pas ane Pol tetek a tarai Rom 5:12

Takai ka barsan, i tol a toltol laulau, pa a toltol laulau i hanot te na rakrakan hanua. A toltol laulau i tol otnan tar a minat. Pa ana ngas ka ning, a minat i han tetek a tarai rop, anasa la rop la tol a toltol laulau.

Jems 1:15

Lamur, ning anunla a laulau a nuknuk ir itna, ir agon otnan pas a toltol laulau. Ning a toltol laulau ir itna, ir agon otnan pas a minat.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Matiu 25:46

Lamur lar han sur a akadik tikin. Ika a tena tostosla lar han sur a lalaun tikin.”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

A Pas ane Pol tetek a tarai Rom 5:21

A tarai rop la kes nahai a rakrakai ana toltol laulau, pa i saran a minat tetek la. Ika onone, la ning la kes nahai a rakrakai ana marmaris ane God, e God i atong la mang la tostos namatana, pa i saran a lalaun tikin tetek la, anasa ana tostos a titol ning e Iesu Karisito anundala Leklek i tol tari.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

Jon 10:28

A saran a lalaun tikin tanla, pa bel lar hirua. Pa bel tik ir rasen la kusun a kuk.

Tatatai 21:8

“Na tena matmataut, pa la ning bel la tortorot, pa la ning anunla na toltol i dur, pa na tena um kol a tarai, pa la ning la tol na pamuk a toltol, na tena wah, la ning la lotu tetek a asasongo na godla, taum ana tena asasongo rop, anunla pukna kaning na tnan tung ning i irnga ana iah pa salfa. Ine a munaur a minat.”

Taitus 1:2

A tortorot ning, pa a momolna ning, i hanot miting na keskes harnanai ana tortorot sur a lalaun tikin. A lalaun tikin ning e God i lele tar onoi, ning belot i akes a rakrakan hanua. Pa e God bel i sira asongo.

A Pas ane Pol tetek a tarai Rom 5:17

Pa ana toltol na kutus warkurai anuna takai ka barsan, a tarai rop la kes nahai a rakrakai ana minat. Ika, i momol kol, la ning la kibas pas a tnan marmaris ane God ning i bukus, pa la kibas pas anuna artabar ning i atong la mang na tena tostos, lar laun tikin pa lar hanot a tena warkuraila arlar ana kingla, anasa ana takai ka barsan, e Iesu Karisito.

A Pas ane Pol tetek a tarai Rom 6:16

Mangasa, bel mulo tasmani mang, ning mulo saran tar mulo tetek tik sur mulor longor tana, mulo na tena titol oros anunai? Ning mulo na tena titol oros ana toltol laulau, ir saran a minat tetek mulo. Ika ning mulo na tena titol oros ana toltol na longor ana warwara ane God, mulor tostos namatana.

Jon 17:2

U saran tar a warkurai tak sur a taraila rop lar kes nahaik, sur ar saran a lalaun tikin tanla rop ning u saran tar la tak.

Jon 6:68

E Saimon Pita i kelesi mange, “Leklek, milar han tetek esi? Anasa a warwarala na lalaun tikin anumi ka.

Jon 6:27

Gong mulo rakrakai ka sur a utna na hangan ning i sira marase. Mulor rakrakai sur a utna ning ir kes sur a lalaun tikin, ning a Nat a Barsan ir tabar mulo ono. Anasa e God e Tata ka saran tar a rakrakai tak sur ar toli larne.”

1 Jon 2:25

Asa ning i lele tari sur ir sarani tetek dala, a lalaun tikin.

Galesia 3:10

La ning la nuki mang lar mur a warkurai sur e God ir atong la mang a tena tostos, a rakrakai a balakut ane God ka kes onla. Anasa di ka tumus tari ting na Buk Tabu mang, “A rakrakai a balakut ane God ka kes o esining bel i mur sot pas asa rop ning di ka tumus tari ana Buk na warkurai.” Lo 27:26

Jon 4:14

Ika esining ir gang a malum ning ar tabari ono, bel ir mos ulak. A malum ning ar tabari ono, i arlar ana matmatana malum ana nuna lalaun, ning ir burburak ot, pa ir tabari ana lalaun tikin.”

Jon 4:36

A tena sol ning i sol a utna na hangan, i los arlou ono. Pa utna ning i sol pasi, i a tarai ning la kibas a lalaun tikin. Pa a tena omomai pa a tena sol, diar gas taum.

A Pas ane Pol tetek a tarai Rom 1:32

A ngas a tarai larne, la tasman ot a warkurai ane God, mang la ning la sira tol a ututnala ne, i sot sur lar mat. Ika la toli ka, pa la malmaling sur a tarai masik otleng lar toli.

A Pas ane Pol tetek a tarai Rom 6:21

Mulo tol na toltol laulau, pa onone mulo meme onoi. Ning mulo toli, asaning mulo kibas pasi onoi? A minat ka.

A Pas ane Pol tetek a tarai Rom 8:6

Esining a nuknukna i mur ka a turai a lalaun ir mat. Ika, esining a nuknukna i kes nahai a Talngan Tabu, ir laun pa ir kilang a bal molmol.

A Pas ane Pol tetek a tarai Rom 8:13

Anasa ning mulo mur a turai a lalaun, mulor mat. Ika ning ana rakrakai ana Talngan Tabu mulo umkol a toltol laulau ana palaomulo, mulor laun.

A Pas ane Pol tetek a tarai Rom 8:38

Anasa a tasmani ot mang bel ta utna ir asauran dala kusun a marmaris ane God. A minat, a lalaun, a angelola, a motla, al ngas a utna ning ir hanot onone pa lamur pa a wah,

A Pas ane Pol tetek a tarai Rom 8:39

pa al ngas a utna misaot pa mite lapiu, bel lar asauran dala kusun a marmaris ane God. Bel ta utna ana kidol a akakes ir asauran lar pas dala kusun a marmaris ane God, ning i saran tari tan dala o e Karisito Iesu anundala Leklek.