A Pas ane Pol tetek a tarai Rom 5:19 - Label

¹⁹ Pa ana tabun longor anuna takai ka barsan, e Adam, a galis a tarai la na tena laulau. Larotleng ning, ana longor anuna takai ka barsan, e Iesu Karisito a galis a tarai la na tena tostos.

A Pas ane Pol tetek a tarai Rom 5:19 Referans Kwoze

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

A Pas ane Pol tetek a tarai Rom 5:18

I maining ana takai ka toltol na kutus warkurai ane Adam a tarai rop la ka kes ana warkurai na arkeles ane God. Larotleng ning ana takai ka tostos a toltol ning e Iesu i toli, e God ir atong a taraila rop mang la tostos namatana, pa lar laun.

Pilipai 2:8

Pa na tarai la oroi mang, i a barsan momol. I anatarna pasi, pa i longor pa i saran tari ot sur ir mat. Momol ot, i mat saot na rakai kutus.

A Pas ane Pol tetek a tarai Rom 5:12

Takai ka barsan, i tol a toltol laulau, pa a toltol laulau i hanot te na rakrakan hanua. A toltol laulau i tol otnan tar a minat. Pa ana ngas ka ning, a minat i han tetek a tarai rop, anasa la rop la tol a toltol laulau.

Epeses 1:6

Pa dalar atong aleklek pas e God ana nuna wakak a marmaris, ning ka tabar oros dala onoi, o e Natnalik ning i katnan koli.

A Pas ane Pol tetek a tarai Rom 5:15

Ika a artabar ane God bel i arlar ana toltol na kutus warkurai ane Adam. Anasa galis a tarai la mat ana toltol na kutus warkurai anuna takai ka barsan. Ika a marmaris ane God i itna kol pa i pulpulas, pa ana takai ka barsan, e Iesu Karisito, pa ana nuna marmaris, i saran oros tar ka a artabar tetek a galis a tarai.

A Pas ane Pol tetek a tarai Rom 11:32

E God i noren tar a tarai rop sur anunla tabun longor ir dot akes la, sur ir asangan anuna marmaris tetek la rop.