A Pas ane Pol tetek a tarai Rom 4:5 - Label

⁵ Ir mangmangasa tetek a barsan ning bel i titol, ika i tortorot o e God, esaning i sira atong a tena laulaula mang la tostos? E God ir oroi lalan anuna tortorot pa ir atongi mang i tostos.

A Pas ane Pol tetek a tarai Rom 4:5 Referans Kwoze

Pilipai 3:9

pa ar kes taum ono. Pa bel a tena tostos anasa a mur na warkurai. A tena tostos anasa a tortorot o e Karisito. I momol, e God i atong dala na tena tostos anasa dala tortorot o e Karisito.

A Pas ane Pol tetek a tarai Rom 3:22

A ngas ne i hanot ta e God, pa i mange: A tarai rop ning la tortorot o e Iesu Karisito, e God ir atong la mang la tostos. A tarai Juda pa a tarai masik otleng la arlar ka.

A Pas ane Pol tetek a tarai Rom 10:3

Bel la anatarna pas la nahai e God, sur ir atong la mang la tostos namatana, anasa bel la tasman a ngas ning e God i asangani sur tik ir tostos namatana, pa la tohi ka sur lar asangan la mang la tostos namatana.

A Pas ane Pol tetek a tarai Rom 4:24

I atongi otleng ondala. Ning dala tortorot o e God, ning i akamtur ulak pas e Iesu anundala Leklek kusun a minat, ir atong dala otleng mang dala na tena tostos.

A Pas ane Pol tetek a tarai Rom 4:3

A Buk Tabu i atongi mang, “E Abaram i tortorot o e God, pa e God i atongi mang i tostos.” Stat 15:6

Jon 6:29

E Iesu i keles la mange, “A titolla ne, ning e God i mang suri, mulor tortorot o esaning i sune i ute.”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

A Wakak a Warwara o e Iesu Karisito i tumusi 9:23

E Iesu i atongi tana mang, “U ot! Esining i tortorot i tolsot pas a ututnala rop.”

A Pas ane Pol tetek a tarai Rom 4:6

E Dewit otleng i atongi larne, ning i atongi mang a barsan i angis ning e God i atongi mang i tostos, ana nuna tortorot ka, pa bel ana ututnala ning i toli. I atongi mange,