A Pas ane Pol tetek a tarai Rom 14:22 - Label

²² A ututnala rop ning u nuki mang i wakak tetek u, anumui ot ma e God. Esining i tol ta utna pa a nuknukna bel i arupi onoi, i angis.

A Pas ane Pol tetek a tarai Rom 14:22 Referans Kwoze

1 Jon 3:21

Na halalik, ning a nuknukindala bel i arup dala, bel dalar matmataut ning dala kaning ui o e God.

A Pas ane Pol tetek a tarai Rom 14:5

Mangotleng larne, dingla na tarai la nuki mang ning a pukakiar ka i itna tan dingla na pukakiar. Pa dingla na tarai otleng la nuki mang a pukakiarla lar arlar rop ka. I wakak ning dala rop taktakai dalar tol asaning i tostos ting na nuknukna.

Jems 3:13

Esi na halimulo i mananos, pa i tastasmai? I wakak ning ir apuasa i ting na nuna wakak a lalaun, ana wakak a titolla, ana toltol ning i anatarna pasi ot. A toltol ning i hanot miting na tastasmai momol.

Galesia 6:1

Na tastasikla, ning ta tena tortorot ir punga ana toltol laulau, mulo ning a Talngan Tabu i nigon mulo, mulor dat atur ulak pasi ana toltol a hanrawai. Ika mulor tai alar mulo ot, sakana mulo male mulor punga ana ta arlam.

A Pas ane Pol tetek a tarai Rom 14:23

Ika esining i hangan, pa i urmatana nuknuk onoi, e God ir warkurai i, anasa bel i mur anuna tortorot. Pa a ututnala rop ning tik i toli, ning bel i mur anuna tortorot, i ning a toltol laulau.

2 Korin 1:12

Ine a utna ning mila iaunan mila ono, a nuknukimila bel i sira tiu mila ana ta utna, anasa mila tasmani mang, mila mur ot a tostos pa a totoh a toltol ta e God, ana numila na lalaun te lapiu, pa anumila na keskes taum o mulo. Bel ma mila mur a tastasmai anuna tarai, mila titol murmur ot a marmaris ane God.

A Pas ane Pol tetek a tarai Rom 14:14

Ana nuk a lalaun ting na Leklek e Iesu, a tasman momoli mang bel ta utna na hangan ir asanan tar dala sur dalar laulau namatana e God. Ika, ning tik i nuki mang ir laulau namatana e God ning ir ien ta ngas a utna, i ot i tasmani mang bel i tostos teteki sur ir ieni.

A Pas ane Pol tetek a tarai Rom 14:2

Dingla na tarai la tortorot mang i wakak ka sur lar ien a ututnala rop. Pa dingla na tarai ning bel la tur rakrakai ana tortorot, bel la mang sur lar ien a inagoila. La ien ka a utna ning di omani.

Aposel 24:16

Ine a kamkamna ning a sira rakrakai sur anuka lalaun ir kes talapor namatana e God, pa namatana taraila otleng.

A Pas ane Pol tetek a tarai Rom 7:24

Iau a pot na marmaris a barsan! Esining ir alangolango iau kusun a palaok ne, ning ir mat?

A Pas ane Pol tetek a tarai Rom 7:15

Bel a talapor ana utna ning a toli. Anasa a utna ning a mang sur ar toli, bel a toli, ika a utna ning a ngeti, a toli.

A Pas ane Pol tetek a tarai Rom 2:1

I maining mulo rop ning mulo sira tiu a tarai masik pa mulo nuki mang mulo tostos, a atongi mang bel mulor puai lar pas. Anumulo na artitiu ir tiu ulak mulo ot. Anasa mulo tiu a tarai masik, ika mulo otleng mulo tol ka a toltol laulau arlar onla.

1 Korin 8:7

Ika, bel a taraila rop la tasman a utna ne. Dingla na tena tortorotla, laningo ning belot la tortorot, la sira mur a ngasna ning la artabar tetek a asasongo na godla. Pa tuk onone, ning la ien a utna ning tik ka artabar tar onoi tetek a asasongo na godla, la nuki mang la ot la lotu tetek a asasongo na godla. La kilangi mang a nuknukinla i tiu la mang la tol a toltol laulau.