A Pas ane Pol tetek a tarai Rom 11:2 - Label

² E God bel i gilam ris kusun anuna tarai ning nating ot ka tasman tar la. Mangmangasa, bel mulo tasman asaning a Buk Tabu i atongi o e Elaija? I ururai tetek e God ana tarai Israel ana toltol laulau ning la toli. I atongi mang,

A Pas ane Pol tetek a tarai Rom 11:2 Referans Kwoze

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.

A Pas ane Pol tetek a tarai Rom 9:23

I toli larning sur ir asangan anuna tnan matatar tetek a tarai ning la kes nahai a marmaris anunai. La ning i sang tar la nating ot sur lar kes taum onoi ana nuna matatar.

Aposel 3:17

“Na tastasikla, a tasmani mang mulo taum ana numulo na ningnigo otleng bel mulo tasman asaning mulo toli o e Iesu.

A Pas ane Pol tetek a tarai Rom 9:6

Ning a atongi larne, bel a atongi mang e God bel i tolsot pas anuna lele tetek a tarai Israel. Anasa bel a tarai Israel rop, la a tarai Israel momol namatana e God.

Aposel 13:48

Ning a taraila ning bel a tarai Juda la longor a warwara ne la gas kol, pa la atong leklek pas a warwara anuna Leklek. Pa la ning e God ka aslang pas la sur a lalaun tikin, la tortorot.

Aposel 7:40

Pa la atai e Aron mang, ‘Ur tol pas anundala al god sur lar nigon dala, anasa e Moses, esaning i nigon purum pas dala mitimo e Ijip, bel ma dala tasman asaning ka hanot onoi.’ Kisim Bek 32:1

Jon 4:11

A hane i atai i mange, “Leklek, bel ta itituh anumi, sur ur ituh al malum ono, pa a tius otleng i kes purumkol. Mitaha a malum a lalaun ning?

Luk 4:1

E Iesu i bukus ana Talngan Tabu. Ning i han mito na malum Jodan, a Talngan Tabu i nigoni uting na hanua bel.

Hibru 1:1

Nating ot e God i warwara ana elgen a propetla tetek na tumtubundala. I warwara larning ana galis a taem ana urmatana ngas.

Pilipai 1:22

Ning a laun ana palaok, ar titol sur ta wakak a wana nuk a titol. Pa bel a tasmani esi na halindiau ning ar aslang pasi, a lalaun o a minat.

1 Korin 6:2

Mangmangasa, bel mulo tasmani mang a taraila ane God lar warkurai a rakrakan hanua? Pa ning mulor warkurai a rakrakan hanua, mangasa, bel mulo tolsot pasi sur mulor atostos na nanatar a mamahat?

A Wakak a Warwara o e Iesu Karisito i tumusi 12:26

Ning mulo puai mang a minatla bel lar laun ulak kusun a minat, mangmangasa belot mulo was a Buk ane Moses ning i warwara ana rakai ning i sot? E God i atongi tetek e Moses mange, ‘Iau a God ane Abaram, a God ane Aisak pa a God ane Jekop.’ Kisim Bek 3:6

A Pas ane Pol tetek a tarai Rom 6:16

Mangasa, bel mulo tasmani mang, ning mulo saran tar mulo tetek tik sur mulor longor tana, mulo na tena titol oros anunai? Ning mulo na tena titol oros ana toltol laulau, ir saran a minat tetek mulo. Ika ning mulo na tena titol oros ana toltol na longor ana warwara ane God, mulor tostos namatana.

1 Korin 8:3

Ika, ning tik i mang sur e God, e God ka tasman a barsan ning.