A Pas ane Pol tetek a tarai Rom 10:16 - Label

¹⁶ Ika bel a taraila rop la kibas a Wakak a Warwara. Larning a propet Aisaia ka atong tari mang, “Leklek, mila warwara talapor, pa bel tik i tortorot ana numila warwara.” Ais 53:1

A Pas ane Pol tetek a tarai Rom 10:16 Referans Kwoze

A Pas ane Pol tetek a tarai Rom 3:3

I momol, dingla na tarai Juda bel la tortorot. Ning bel la tortorot, mangmangasa, i topasi sur ir sairas e God sur gong i tolsot anuna warwara?

Hibru 4:2

Anasa dala otleng dala ka longor tar a Wakak a Warwara arlar ana tumtubundala tagun nating. La longor tari ot, ika bel i nangan la, anasa bel la tortorot ono.

2 Tesalonika 1:8

Ir saran a warkurai na arkeles tetek la ning bel la tasman e God, pa bel la longor ana Wakak a Warwara ana nundala Leklek e Iesu.

Galesia 5:7

Nating mulo dun wakak ana arsoksok. Ika onone, esining ka aloklokron tar mulo, pa bel mulo longor ma ana momolna?

1 Pita 2:8

“A hat ning, a tarai lar buh a hanla onoi, pa lar punga onoi.” Ais 8:14 La buh a hanla onoi, anasa bel la longor ana warwara ane God. Ning la toli larning, anuna warwara ning ka atong tari nating i sot onla.

Hibru 11:8

Ana tortorot, e Abaram i longor tetek e God ning i kabah pasi sur ir han uting na pukna ning lamur ir hanot a hanua ngasna. I han, ika bel i tasman a pukna ning i han suri.

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.

A Pas ane Pol tetek a tarai Rom 6:17

A atong wakak tetek e God, anasa lanigo mulo na tena titol oros ana toltol laulau, ika onone mulo longor ana balamulo rop ana asasaerla ning di saran tari ta mulo.

A Pas ane Pol tetek a tarai Rom 2:8

Ika tetek la ning la sira aitna pas la ot, pa bel la mur a momol a warwara ane God, pa la mur ka a toltol laulau, e God ir balakut tetek la pa ir balana kut tetek la.

1 Pita 3:1

Mang otleng larning mulo na tinaulai a gurara, mulor anatarna pas mulo tetek anumulo na barsan, sur ning dingla onla bel la tortorot ana warwara ane God, anumulo na wakak a toltol ka ir warwara tetek la. Anumulo na toltol ir ben pas la tetek e God,

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

Galesia 3:1

A tarai Galesia, mulo na longlong! Esi i aloklokron mulo? Ia ka atai talapor tar mulo ana minat ane Iesu Karisito saot na rakai kutus, lar ot ning mulo ka oroi tari.

A Pas ane Pol tetek a tarai Rom 16:26

Ika onone, ka hanot talapor. Mila warwara talapor ana asaning a propetla la atong tari o e Karisito. Mila toli arlar larning e God, ning i laun tikin, i atai tar mila sur milar toli, sur a taraila miting na matanitu rop, lar tortorot pa lar muri.

A Pas ane Pol tetek a tarai Rom 11:17

A tarai Israel la arlar ana rakai a oliw momol ning di ka oman tari, pa mulo a tarai masik mulo arlar ana lomlom a rakai a oliw. E God i kuben pas dingla na rakrakana rakai a oliw momol, pa i kibas pas dingla na rakrakana lomlom a oliw, pa i tol a bading onla ting na rakai a oliw momol. Pa onone, mulo laun ana polo ning i han miting na wakir a rakai a oliw momol.

A Pas ane Pol tetek a tarai Rom 1:5

O e Karisito ot, e God i maris mila pa i saran a titol na aposel tetek mila, sur milar aleklek pas a risana. Mila sira warawai tetek a tarai rop ning bel na tarai Juda, sur lar tortorot pa lar longor onoi.

Aposel 28:24

Dingla na tarai tagun la, la tortorot ana sa ning e Pol i atongi, ika dingla bel la tortorot.

Jon 10:26

Ika bel mulo tortorot, anasa mulo bel anuka sipsipla.

Matiu 13:14

A warwara na propet ane Aisaia ka sot onla, ning i atongi mang, ‘Mulor longlongori, ika bel mulor longor lalani, mulor tai, ika bel mulor oroi lalani.