A Pas ane Pol tetek a tarai Rom 1:24 - Label

²⁴ I maining e God i noren tar la sur lar tol a dur a toltolla, larning la mang suri miting na balanla, pa lar tol a toltolla na meme artalai ana palaonla.

A Pas ane Pol tetek a tarai Rom 1:24 Referans Kwoze

Aposel 7:42

Pa e God i talingir kusun la, pa i noren la, sur lar lotu tetek a komkomaila, larning di ka tumus tari ting na buk anuna propetla mange, ‘Mulo a tarai Israel, diat a bonot a rau ning mulo kes ting na hanua bel, bel mulo artabar, pa bel mulo umkol ta inagoi sur mulor artabar onoi tetek iau.

Aposel 14:16

Nating i noren tar a taraila miting na matanitula rop sur lar laun arlar ana nunla na nemnem.

Matiu 15:14

Mulor noren sen a Parisaiola. La a ningnigola, la arlar ka ana kutla. Ning ta kut ir ben ta kut, dia rop diar punga lorong ting na tung.”

1 Tesalonika 4:4

Taktakai o mulo ir alasani sur ir warkurai alar a palaona, sur a toltol na totoh pa hanrawai ir kes ting na nuna lalaun.

1 Korin 6:18

Mulor han masik kusun a pamuk a toltolla. A toltol laulaula masik ning tik i toli, bel la kes ting na palaona. Ika, ning tik ir tol a pamuk a toltolla, i tol a laulauna ana palaona ot.

1 Korin 6:13

Sakana tik ir atongi otleng larne, “A utna na hangan sur a balandala, pa a balandala sur a utna na hangan.” Ika e God ir kamar sen diau rop. A palaondala bel sur dir tol a pamuk a toltolla. A palaondala sur a Leklek ot, pa a Leklek sur a palaondala.

A Pas ane Pol tetek a tarai Rom 6:12

I maining, gong ulak ma mulo noren a palaomulo, ning i sira mat ka, sur ir kes nahai a rakrakai ana toltol laulau, sur gong mulo longor tana laulau a nuknuk ana palaomulo.

Epeses 2:3

Nating, dala otleng dala laun arlar ana tarai a tabun longor. Dala otleng dala tol asaning a lalaun turai i mang suri, pa dala mur a laulau a nuknukla ana lalaun turai pa a ginina lalaun turai. Di agon pas dala otleng a tena laulaula ot, pa a balakut ane God i kes ondala, larning i kes ona tarai a tabun longor.