Pilipai 4:8 - Label

⁸ Na tastasik, a ararop a warwara ne a tumusi tetek mulo: A nuknukimulo ir kes ana ututnala ne: asaning i momol, asaning di hanrawai i, asaning i tostos, asaning i totoh, asaning i tatatai wakak pa asaning a taraila la atong wakak ono. Asa ning i wakak kol, pa asaning di rakan aleklek pasi, a nuknukimulo ir kes onoi.

Pilipai 4:8 Referans Kwoze

Jems 3:17

Ika esining i tong akes a mananos misaot na langit, a ningnigo na utna anuna lalaun ir totoh. Pa ir tena bal molmol otleng, pa ir sira nuk pas a tarai masik, pa ir sira longor, ir bukus ana marmaris, pa ir suah a wakak a wana ting na nuna lalaun, bel ir purpurngis, pa bel ta asasongo ting na nuna lalaun.

Taitus 2:7

Ana ututnala rop ning u sira toli, ur tol a wakak a titol na matanla, sur a wakak a tatatai tetek la sur lar muri. Ning ur asaer la, ur titol taum ana momolna, pa a hanrawai ana warwara ane God.

2 Korin 8:21

Mila rakrakai sur milar tol a utna ning i tostos, bel namatana Leklek ka, namatana taraila otleng.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

1 Pita 2:12

Ika mulor tol a wakak a toltol na arpotor tanla ning bel la tortorot, sur la ning la tiu mulo mang mulo tol a laulaula, lar oroi anumulo na wakak a titol, pa lar atong leklek pas e God ana pukakiar ning ir hanot ono.

Hibru 13:18

Mulor nunung omila. Mila tasman momoli mang a nuknukimila bel i arup mila on ta utna, pa mila mang sur anumila a lalaun ir tostos ana ututnala rop.

1 Timoti 4:12

Gong u noren tik ning ir oroi purpurum u anasa u barman. Ur tol a wakak a toltol tetek a tena tortorotla ana num a warwara, anuma toltol, anuma marmaris, anuma tortorot pa anuma totoh a lalaun, sur lar muri.

Epeses 5:9

Anasa a wana lalaun anun esining i kes ana talapor i manglarne: a wakak a toltolla, a tostos a toltolla, pa momolna.

Taitus 1:8

Ir sira gas pas a tarai ting na nuna rumai, pa ir mang sur a wakak a toltol, ir warkurai tostos anuna lalaun, ir tena tostos, ir totoh namatana e God, pa ir tai alar a nuknukna.

1 Jon 3:3

Esining i harnanai ana tortorot sur e Karisito ir ulak, i atotohi larning e Karisito i totoh.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

Taitus 3:14

Anundala a tarai lar asaer sur lar saran momol tar a lalaun anunla ana wakak a titol, sur anunla a lalaun ir suah a wakak a wana pa lar nangan a kapan a tarai.

A Pas ane Pol tetek a tarai Rom 13:13

Dalar mur a tostos a toltol, larning dala laun ana kabakiar. Gong dala sipak, pa gong dala kukuk taltal taum ana longlong a toltol. Gong dala tol a pamuk a toltol, pa gong dala tol a utna na meme. Gong dala arngaras, pa gong dala bal laulau.

Jems 1:27

Ika ning dala nangan a nat a biasuila, pa a laola ning la pot na marmaris, pa ning dala tumarang dala otleng kusun a dur a toltol mite na rakrakan hanua, ine i a tostos a lotu, pa bel ta utna i rongo ono namatana e God a Tamandala.

1 Jon 3:18

Na natnatukla, gong dala maris tik ana warwara ka, pa ana pahandala ka. Dalar maris tik ana wakak a titol momol.

Taitus 2:2

Ur asaer a barsanla ning di agon nigon la tam, sur lar tai alar wakak anunla na toltol, lar kibas a ngas a lalaun ning a tarai lar hanrawai la ono, lar warkurai tostos anunla lalaun, lar momol ana nunla na tortorot, anunla a marmaris pa anunla na tuntunur rakrakai ning la pastetek a mamahat.

2 Korin 13:7

Pa onone, mila nunung tetek e God mang gong mulo tol ta laulauna, bel sur a taraila lar oroi i mang mila na tostos a taraila, ika sur mulor tol ka a ututnala ning i tostos. Ning a taraila la nuki mang bel mila tostos, i wakak ka.

Kolosi 4:5

Mulor titol taum ana tastasman tetek a tarai ning bel la tortorot, pa ana pukakiarla rop, ning i langolango sur mulor atatai tetek la, mulor toli.

1 Pita 4:8

Ine a utna ning i leklek kol tan a ututnala rop, mulor mang artalai sur mulo ana momol, anasa a marmaris i poroi a galis a toltol laulau.

A Pas ane Pol tetek a tarai Rom 13:3

Ning tik i tol a wakakna bel ir matmataut sur a matanitu, ika ning ir tol a laulauna ir matmataut ot. Pa ning u mang sur ur langolango kusun a matmataut sur a matanitu, ur tol a wakakna pa a matanitu ir atong leklek pas u.

Taitus 2:14

I saran tar anuna lalaun sur dala, sur ir lou alangolango dala kusun anundala na toltol laulaula rop, pa ir atotoh pas dala, sur dala anuna tarai momol ot, dala a tarai ning dala mang kol sur dalar tol asaning i wakak.

Pilipai 3:1

Na tastasik, a ararop a warwara ne a tumusi tetek mulo: Mulor gas ana Leklek. A gas sur ar tumus ulak asaning ia ka tumus tari nating tetek mulo, sur ir nangan mulo.

A Pas ane Pol tetek a tarai Rom 2:29

Ika ning tik i mur e God ting na balana, i ning a te Juda momol. Pa a momol a kot talilis, a Talngan Tabu i toli ting na balana, bel a tarai la toli ning la mur a Warkuraila ning di ka tumus tari. Tik ning a Talngan Tabu i toli larne onoi, bel a taraila lar atong alekleki, e God ot ir atong aleklek pasi.

1 Timoti 2:2

pa a kingla pa a ningnigola rop, sur dalar kes longoroi ana bal molmol, ana totoh na lalaun pa a toltol ning e God i mang suri.

1 Timoti 5:10

pa a taraila rop la tasman anuna wakak a titolla, larning i lawat wakak a kakakla, pa i sira gas pas a tarai ting na nuna rumai, pa i gos sen a kubus kusun a hana tarai ane God, pa i nangan a tarai ning a mamahatla i kibas la, pa i saran tar anuna lalaun sur ir tol a urmatana wakak a titol.

Epeses 6:14

Mulor tur rakrakai, mulor dot akes mulo ana momolna, arlar ana let. Pa mulor suah alar mulo ana tostos a toltol, arlar ana puka aen ning a tena harum i sira alar a malwasna ono.

1 Tesalonika 4:12

Ning mulor toli larning, a tarai ning bel la tortorot lar hanrawai mulo, pa bel mulor kapan sur ta utna.

Epeses 4:25

I maining mulor manah kusun asasongo, pa mulor atong a momolna tetek a halalimulo, anasa dala rop dala na didiah palaona e Karisito.

2 Korin 6:8

Dingla na tarai la hanrawai mila, pa dingla na tarai bel. Dingla na tarai la atong laulau mila, pa dingla na tarai la atong aleklek pas mila. Dingla na tarai la nuki mang mila a tena asasongola, ika mila atong a momolna.

Aposel 10:22

Ditol kelesi mang, “E Konilius, a ningnigo anuna ning a mar a tarai a harum i sune mitol. E Konilius i ning a tena tostos pa a tena hanrawai tetek e God, pa a tarai Juda rop la hanrawai i. A angelo ane God i atai tari mang ir arsune pas u utumo ana nuna rumai, sur ir longor anum ta warwara.”

Jon 7:18

Esining i warwara ka ana nuknukna, i mang ka sur dir aleklek pasi. Ika esining i mang sur dir aleklek pas e God ning i sune i ute, i atong a momolna, pa bel ta asasongo tingia.

Luk 2:25

Ning a barsan i kes saot e Jerusalem a risana e Simion, a tena tostos pa a tena hanrawai tetek e God. I harnanai sur e God ir alaun a tarai Israel, pa a Talngan Tabu i kes onoi.

A Wakak a Warwara o e Iesu Karisito i tumusi 6:20

anasa e Herot i matatan e Jon, pa i tasmani mang i a wakak a barsan pa a tena tostos. Pa e Herot i tai alar e Jon. I gas sur ir longor anuna na warwara, maika i loklokron a nuknukna ono.

Luk 16:15

Pa e Iesu i atai la, “Mulo, mulo atostos pas mulo namatana taraila. Ika e God i tasman a balamulo. Anasa a utna ning i ngangaten namatana taraila i bilbilor namatana e God.

1 Korin 4:5

I maining gong mulo warkurai tik lanigo tana pukakiar a warkurai. Mulor harnanai tuk ning a Leklek ir hanot. Pa i ot, ir atalapor na ututna ning i mumun ting na mormorom, pa ir apuasa a nuknuk a taraila. Pa ana pukakiar ning, e God ir atong aitna pas a taraila, arlar ot ana nunla na titol taktakai.

Aposel 22:12

“Ning a barsan, a risana e Ananias, a tena lotu momol ning i sira mur asot a Warkuraila, pa a tarai Juda rop ning la kes tingia, la hanrawai koli. I hanot tetek iau,

1 Jon 4:1

Na halalik, gong mulo tortorot ororos ka ana tik ning i atongi mang a Talngan Tabu i saran tar a warwara teteki. I wakak sur mulor tohi sur mulor tasman lalani mang i tagun e God o bel, anasa a galis a propet asasongola kane ma na rakrakan hanua.

1 Timoti 5:2

Pa tetek a gurarala ning di agon nigon la tam, ur toli tetek la larning u toli tetek etnam. Pa tetek a basbasla, ur toli tetek la larning u toli tetek na tastasim hanela, ana totoh a toltol.

Luk 23:50

Ning a barsan, a risana e Josep, mitimo e Arimatia, ting na papar Judia. I ning a wakak a barsan, pa a tena tostos, ning i harnanai sur a matanitu ane God. I ning tagun a tarai a kiwung, ika bel i malmaling taum onla ana anunla a warkurai pa a utna ning la toli.

1 Timoti 3:4

I a wakak a ningnigo ana keskes anun latamana, pa ir asaer na natnatnala sur lar hanrawai i pa lar longor teteki.

Aposel 6:3

Na tastasimila, mulor aslang pas ir mais a wakak a barsan tagun mulo, ning la tastasman pa la bukus ana Talngan Tabu, sur milar saran tar a titol na artabar ne tanla.

Matiu 22:16

La sune sen anunla kakak a asaerla taum ana halalna e Herot tetek e Iesu, pa la atongi mang, “Tena Asaer, mila tasmani mang u a tostos a barsan, pa u asaer a tarai ana ngas ane God ana momol. Bel u nuknuk kol ana sa ning a tarai la atongi hom, anasa a ginim i arlar ka tetek a tarai rop.

Hibru 11:2

Na ningnigo ning la laun nating la tortorot manglarning, pa e God i gas onla, anasa ana nunla tortorot.

1 Timoti 3:11

Tetek anunla na gurarala otleng ir manglarning, la a ngas a gurarala ning a tarai la hanrawai la, gong la warwara kumkumna, lar tai alar wakak anunla lalaun, pa lar momol ana titolla rop.

2 Korin 8:18

Milar sune seni taum ning tasimila, ning a tarai a lotu ting na hananuala rop la atong aleklek pasi ana nuna wakak a titol ning i warawai ana Wakak a Warwara.

2 Pita 3:1

Na halalik, ine a munaur a pas ning a tumusi tetek mulo. Pa te na naur taum a pas ne, a anuknuk mulo ulak ana ututnala, sur a nuknukimulo ir tostos.

A Pas ane Pol tetek a tarai Rom 14:18

Pa ning tik ir mur a toltolla ne ana nuna titol tetek e Karisito, e God ir gas onoi, pa a tarai otleng lar oroi lalani mang a toltol anunai i tostos.