Pilipai 2:15 - Label

^15-16 sur bel dir arup sot pas mulo on ta rongo pa mulor totoh, na natnat e God, ning bel ta rongo o mulo, arpotor tan a tarai ning bel la tostos pa a gininla i laulau kol. Ning mulor artabar ana warwara na lalaun, mulor talapor arpotor tanla arlar ana nangnangla ning la talapor te na rakrakan hanua. Ning mulor toli larne, ar gas o mulo ana pukakiar ning e Karisito ir hanot ulak ono, anasa ir talapor mang bel a dun oros ka, pa anuka titol bel i utna oros ka.

Pilipai 2:15 Referans Kwoze

1 Pita 2:12

Ika mulor tol a wakak a toltol na arpotor tanla ning bel la tortorot, sur la ning la tiu mulo mang mulo tol a laulaula, lar oroi anumulo na wakak a titol, pa lar atong leklek pas e God ana pukakiar ning ir hanot ono.

Matiu 5:45

Ning mulor toli larning, ir asangani mang mulo na natnat e Tamamulo, ning i kes saot na langit. Anasa i saran tar a kamis sur ir talapor ana laulau a tarai pa wakak a taraila otleng, pa i saran tar a kiar tetek na tena tostos pa tetek la otleng ning bel la tostos.

1 Tesalonika 5:23

Mitol nunung sur e God ot, a God na bal molmol ir atotoh pas anumulo na lalaun, sur mulor totoh rop namatana. Mitol nunung otleng mang e God ir tai alar anumulo a lalaun rop, larne a ingumulo, a nuknukimulo pa a palaomulo, sur gong di arup sot pas mulo on ta rongo ana pukakiar ning anundala Leklek e Iesu Karisito ir ulak purum onoi.

2 Pita 3:14

Na halalik, ning mulo keskes harnanai sur a pukakiar ning, mulor rakrakai sur a magiramulo bel ta dur ono, pa bel dir arup sot pas mulo on ta rongo, pa mulor kes na molmol taum o e God.

1 Korin 1:8

I ot ir arakrakai mulo tuk ana ararop a pukakiar, sur bel dir arup sot pas mulo on ta rongo ana pukakiar ning anundala a Leklek e Iesu Karisito ir ulak.

Taitus 2:10

Gong la kinau anunla na ningnigo. Lar apuasa anunla a wakak a toltol sur anunla na ningnigo lar tortorot onla, sur ir apuasa i mang a asaer o e God anundala a Tena Alaun i wakak.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

Matiu 5:48

Mulor tostos momol, arlar ana Tamamulo ning i kes saot na langit, i tostos momol.

1 Timoti 3:10

Dir lar nigon tar la, pa ning a gininla i wakak, lar kibas bot a titol na tena harnangai ting na lotu.

1 Timoti 3:2

Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

Pilipai 1:10

sur mulor tolsot pasi sur mulor tasman lalan asaning i wakak kol, pa mulor totoh, pa bel dir arup sot pas mulo on ta rongo ana pukakiar ning e Karisito ir hanot onoi.

Epeses 5:27

I toli larne sur ir ben pas anuna tarai teteki, arlar ana nuna wakak a hane ning bel ta dur onoi, pa bel i karkar a palaona, pa bel ta laulau a utna onoi. Ir totoh pa bel dir arup sot pasi on ta rongo.

A Pas ane Pol tetek a tarai Rom 16:19

A taraila rop la talapor ana numulo a longor tetek a Leklek, i maining a gas kol o mulo. Ika, a mang sur mulor tastasman wakak ana asaning i wakak, pa gong mulo alasan mulo ana asaning i laulau.

Aposel 2:40

Pa i atumarang la ana galis a warwara otleng, pa i nung rakrakai la mang, “Mulor tai alar mulo, pa mulor tur masik kusun a toltol laulau anuna tarai tagun onone, sur gong e God i saran a warkurai na arkeles tetek mulo.”

Matiu 10:16

“Oroi, a sune sen mulo arlar ana sipsipla na arpotor tana ngalngaliah a papla. Mulor mananos wakak arlar ana soila, sur gong tik i ben rongon mulo, pa mulor tostos arlar ana tabunla, ning bel ta rongo kaning onla.

Hibru 7:26

E Iesu i a ningnigo na tena artabar, ning i sira nangan dala. I totoh namatana e God, bel dir arup sot pasi on ta rongo, pa bel ta dur namatana e God. E God i akes maskan tari kusun a laulau a tarai, pa i alekleki tisaot na langit.

Taitus 2:15

Ur asaer la ana ututnala ne. Ur arakrakai a tarai, pa ur atong puasa anunla na rongo namatanla. Ur toli ana rakrakai ning e God ka saran tari tam. Pa gong u noren tar tik sur ir oroi purum u.

Taitus 1:6

Ur aslang pas tik ning bel di arup sot pasi on ta rongo, ning i taulai ka takai a hane pa na natnatna la na tena tortorot, pa bel ta artitiu i kibas la ana ta toltol, pa bel la tabun longor tetek tik.

1 Timoti 5:20

Ning ta ningnigo ir tol a toltol laulau, ur atostosi namatana tarai a lotula rop, sur a atumarang tetek al tarai otleng onla.

Aposel 20:30

Pa al tarai otleng o mulo lar tur ot, pa lar lingir a momolna, sur a tarai a lotu lar mur la.

Jon 5:35

E Jon i arlar ana lam, ning i irnga pa i talapor, pa mulo gas ning mulo tai siklik pas ka ana talaporna.

Luk 6:35

Ika mulor mang sur anumulo na hirua, pa mulor tol a wakakna tetek la. Pa ning a tarai lar mang sur lar kibas pas ta utna kaba ta mulo, mulor sarani ka tanla, pa gong mulo mang sur lar kelesi. Ning mulor toli larning, anumulo a arlou ir itna kol, pa mulo a natnat e God i Leklek Kol, anasa i mang sur la ning bel la sira atong wakak teteki, pa a tena laulaula otleng.

Matiu 17:17

E Iesu i kelesi mang, “Mulo na tarai tagun onone, bel mulo tortorot pa mulo na tena laulau. Ia ka kes bongnan iau te napirim mulo. Nangse mulor tortorot? Mulor ben a kaklik ning ute tetek iau.”

Tatatai 3:9

La ning a tarai ane Satan ning la atongi mang la na te Juda, ika bel, la na tena asasongo. Ar warkurai la sur lar han tetek mulo pa lar kes ana bokona hanla salanigo tamulo, pa lar atong puasa i mang iau a maris mulo.

1 Timoti 5:14

Pa a mang sur a laola ning la rakrakai ot, lar taulai ulak, lar agon ulak, pa lar tai alar anunla rumaila, sur gong la tol ta utna ning anundala hiruala lar atong laulau dala onoi.

1 Timoti 5:7

Ur asaer a tarai ana asasaerla ne, sur gong ta artitiu i kibas la.

2 Korin 6:17

Pa Leklek i atongi otleng mang, “Mulor purum kusun la, pa mulor kes masik kusun la. Pa gong mulo tuk a dur a ututnala. Pa iau ar gas pas mulo.” Ais 52:11

Luk 1:6

Dia naur a tena tostos namatana e God, dia mur wakak a Warkuraila rop anuna Leklek.

Pilipai 3:6

A rakrakai kol sur ar mur tostos pas a titol ane God, pa ana nuk na titol ning, a alaulau na tena tortorot ane Karisito. Ngandek ning tik ir tostos anasa i mur rop na warkurai, bel ta artitiu ir kibas iau.

Tatatai 2:5

Mulor nuk pas anumulo a wakak a keskes lanigo ning mulo ka punga tar kusuni! Mulor lingir a nuknukimulo, pa mulor tol ulak a anumulo na titol ning lanigo mulo toli. Ning bel mulor lingir a nuknukimulo, ar hanot tetek mulo, par kibas sen anumulo na turtur a lam kusun a ngasna.