A Wakak a Warwara o e Iesu Karisito i tumusi 8:2 - Label

² “A maris kol a taraila ne, anasa la ka kes taum hok te natol a pukakiar, pa belal utna sur lar ieni.

A Wakak a Warwara o e Iesu Karisito i tumusi 8:2 Referans Kwoze

Matiu 9:36

Ning i oroi a kunum a tarai, i maris kol la, anasa i talara a nuknukinla, pa bel ta harnanai tetek la, arlar ana sipsipla ning bel ta tena tai alar anunlai.

Hibru 5:2

A ningnigo na tena artabarla tetek e God i tolsot pasi sur ir titol ana marmaris tetek a tarai ning bel la tastasmai pa la han rongo, anasa i otleng bel ta rakrakaina sur ir tolsot pas na toltol laulau.

Hibru 4:15

I tasmani mang bel ta rakrakaindala sur dalar tolsot pas a toltol laulaula, pa i maris dala. Anasa di ka lar nigon tar e Iesu ana urmatana ngas a larlar rop ning di sira lar dala ono, ika bel i tol ta toltol laulau.

Luk 15:20

Pa i kamtur pa i ulak tetek e tamana. “Kaning ot bakbak, e tamana i oroi pasi, pa i bukus ana marmaris. I dun teteki, i pos pasi pa i goro i.

Luk 7:13

Ning a Leklek i oroi a hane ning, i marisi pa i atai i mang, “Gong u domos.”

A Wakak a Warwara o e Iesu Karisito i tumusi 9:22

Galis a pukakiar a mot i sira minggen tari uting na iah pa uting na malum otleng sur ir umkoli. Ning ur tolsot sur ur kepsen a mot kusuni, ur maris miau, pa ur nangan miau.”

A Wakak a Warwara o e Iesu Karisito i tumusi 6:34

Ning e Iesu i sot tingia, i oroi a tnan kunum a tarai. I maris kol la, anasa la arlar ana sipsipla ning bel ta tena tai alar anunlai. Pa i turpasi sur ir asaer la ana galis a ututnala.

A Wakak a Warwara o e Iesu Karisito i tumusi 5:19

Ika e Iesu bel i malmaling, i atai i ka mange, “Ur han uting na num a rumai tetek a maimla, pa ur atai la ana tnan utna ning a Leklek ka tol tari hom, pa ana nuna marmaris tetek u.”

A Wakak a Warwara o e Iesu Karisito i tumusi 1:41

Pa e Iesu i marisi, pa i tuslan a kuna, i tong a palaona, pa i atai i mang, “A mang ot, ur langolango.”

Matiu 20:34

E Iesu i maris kol diau, pa i tong naur a matan diau. Ono otning dia tai, pa dia muri.

Matiu 14:14

Ning i sot, i oroi a tnan kunum a tarai. I maris kol la, pa i alangolango pas a tinsamanla.

Hibru 2:17

Ine a kamkamna ning e Iesu i hanot arlar ot ana tastasnala ana ututnala rop, sur ir ningnigo na tena artabar tetek e God pa ir titol ana marmaris pa momolna, pa ir saran anuna lalaun sur ir mat, pa e God ir kepsen a toltol laulaula anuna tarai, pa ir arop sen anuna balakut, ning nating kaning onla.

A Wakak a Warwara o e Iesu Karisito i tumusi 6:32

Pa la kas ana mon pa la han uting na hanua bel.

A Wakak a Warwara o e Iesu Karisito i tumusi 8:3

Ning ar sune sen la sur anunla na hanhanua taum ana munurak, lar suah mat ting na ngas, anasa dingla onla, la hanot miting na bakbak.”