A Wakak a Warwara o e Iesu Karisito i tumusi 8:15 - Label

¹⁵ Pa e Iesu i warwara na tumarang tetek la mang, “Mulor tumarang ana is anuna Parisaiola pa e Herot.”

A Wakak a Warwara o e Iesu Karisito i tumusi 8:15 Referans Kwoze

Matiu 16:6

E Iesu i atai la mang, “Mulor tumarang ana is anuna Parisaiola pa a Sadusila.”

A Wakak a Warwara o e Iesu Karisito i tumusi 12:13

La sune sen a Parisaiola, taum ana halalna e Herot tetek e Iesu sur lar alamlami sur anuna ta warwara lar tiu i ono.

1 Timoti 6:13

A warwara tetek u namatana e God, ning i tabar a ututnala rop ana lalaun, pa namatana e Karisito Iesu ning i warwara talapor ono i ot lanigo ta e Pontius Pailat. A atongi tam mange:

Matiu 14:1

Ana rau ning, e Herot a ningnigo tagun a matanitu i longor a warwara o e Iesu,

2 Timoti 2:14

Gong u manah ana atatai tetek anuma tarai ana asasaerla ne. Ur atumarang la namatana e God, sur gong la arlak ana warwara oros ka. A arlak bel i to pas ta utna pa i alaulau otleng la ning la longori.

1 Timoti 5:21

A warwara rakrakai tetek u namatana e God pa e Karisito Iesu pa angelola ning e God ka aslang pas la, sur ur mur a asasaerla ne, pa gong u rakrakai ka sur ning a ris pa ning a ris bel, pa gong u mang ka sur ning a ris pa ning a ris bel.

Luk 12:15

Pa i atai la, “Mulor nuk pasi, pa mulor tai alar mulo kusun a nuknuk ana galis a gongon, anasa a lalaun anuna tik bel i kamkamna ana nuna galis a gongon.”

Matiu 14:3

Lanigo e Herot i sune sen anuna tena harumla sur lar tong pas e Jon. La doti, pa la akasi ting na rumai a dodot. E Herot i toli larne, anasa e Jon ka usur tari ono mang, “Bel i tostos ning u taulai e Herodias, e harimlik.” I atongi larne, anasa e Herot ka dat pas e Herodias, a hane ane Pilip, e tasnalik, pa i taulai i.

Matiu 14:6

Ana pukakiar ning di aslang pas a agon ane Herot, e nat na hane Herodias, i tortor napirinla. E Herot i gas kol onoi,

A Wakak a Warwara o e Iesu Karisito i tumusi 8:14

A kakak a asaer la dumani sur lar los al bret, takai sot ning la losi ting na mon.

A Wakak a Warwara o e Iesu Karisito i tumusi 8:16

Pa la warwara taum ana kamkama warwara ane Iesu, pa la atongi mang, “I atongi larning, anasa belal bret andalai.”