A Wakak a Warwara o e Iesu Karisito i tumusi 5:43 - Label

⁴³ E Iesu i sairas rakrakai tar la sur gong la warwara ana utna ne. Pa i atai la sur lar tabar a hanelik ning.

A Wakak a Warwara o e Iesu Karisito i tumusi 5:43 Referans Kwoze

Matiu 8:4

Lamur e Iesu i atongi tana mang, “Gong u atai tar tik ono. Ur han pa ur asangan u tetek a tena artabar tetek e God, pa ur saran a artabar tetek e God larning e Moses ka atong tari. Ning ur toli larne, ir talapor tetek a tarai mang u ka langolango.”

A Wakak a Warwara o e Iesu Karisito i tumusi 7:36

Pa e Iesu i sairas rakrakai a taraila sur gong la atai tar tik ono. Ika ning i sairas la, bel la longor pasi, a warwara ono i han sarara ka.

A Wakak a Warwara o e Iesu Karisito i tumusi 1:43

Pa e Iesu i sune seni taum ana rakrakai a warwara mang,

Matiu 9:30

Pa dia tai kakat. Pa e Iesu i sairas rakrakai tar diau mang, “Gong mu atai tar tik ono.”

Jon 5:41

“Bel a mang sur a tarai lar atong aleklek iau.

Luk 8:56

Tamana pa e tana dia kulkulan kol, pa e Iesu i sairas diau sur gong dia atai tik ana sa ning i hanot.

Luk 5:14

Lamur e Iesu i warwara rakrakai teteki mang, “Gong u atai tar tik ono. Ur han pa ur asangan u tetek a tena artabar tetek e God, pa ur saran a artabar tetek e God larning e Moses ka atong tari. Ning ur toli larne ir talapor tetek a taraila mang a palaom ka wakak ulak.”

A Wakak a Warwara o e Iesu Karisito i tumusi 3:12

Ika i atumarang la sur gong la atai tar tik mang, i esi.

Matiu 17:9

Ning la han purum amon misaot na mangir, e Iesu i sairas ditol mang, “Gong mutol atai tar tik ana sa ning mutol ka oroi tari, tuk ning a Nat a Barsan ir kamtur ulak kusun a minat.”

Aposel 10:41

Bel tetek a tarai rop, tetek la ning e God ka aslang nigon tar la sur lar oroi pa lar warwara talapor ono, mila ning mila hangan pa mila gang taum onoi, ning i laun ulak kusun a minat.

Luk 24:30

Ning ditol kes sur ditol ar hangan, e Iesu i los pas a bret, i atong wakak pas ono, i kibik pasi, pa i tabar diau ono.

A Wakak a Warwara o e Iesu Karisito i tumusi 5:42

Aiapka i kamtur pa i han taltal. A hanelik ning ka takai a bonot pa pisir naur a rau anunai. Pa la kulkulan kol.

A Wakak a Warwara o e Iesu Karisito i tumusi 9:9

Ning la han purum amon misaot na mangir, e Iesu i sairas ditol sur gong ditol atai tar tik ana sa ning ditol ka oroi tari, tuk ning a Nat a Barsan ir kamtur ulak kusun a minat.