A Wakak a Warwara o e Iesu Karisito i tumusi 5:36 - Label

³⁶ E Iesu i longor warwara ning, i atai ka e Jairus mang, “Gong u matmataut. Ur tortorot ka.”

A Wakak a Warwara o e Iesu Karisito i tumusi 5:36 Referans Kwoze

Luk 8:50

Ning e Iesu i longor a warwara ning, i atai e Jairus mange, “Gong u matmataut, ur tortorot ka, pa dir alaun ulak pasi.”

Jon 11:40

E Iesu i atongi mange, “Mangasa, bel a atai nigon tar u mang, ning ur tortorot, ur oroi a matatar ane God?”

A Wakak a Warwara o e Iesu Karisito i tumusi 9:23

E Iesu i atongi tana mang, “U ot! Esining i tortorot i tolsot pas a ututnala rop.”

A Wakak a Warwara o e Iesu Karisito i tumusi 5:34

Pa e Iesu i atai i mange, “Natuklik, anuma tortorot ka alangolango pas u. Ur han taum ana bal molmol, anuma tinsaman ka rop.”

Matiu 17:20

Pa i keles la mang, “Anasa anumulo a tortorot i natarna kol. A atong momoli ta mulo, ning anumulo a tortorot i natarna arlar ana pata mastad, mulor tolsot pasi sur mulor atongi tana mangir ne mang, ‘Ur susur mite utumo,’ pa ir susur ka. Bel ta utna ir ngangaten tetek mulo.”

Matiu 9:18

Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.”

A Wakak a Warwara o e Iesu Karisito i tumusi 5:22

Ning a ningnigo tagun a rumai lotu a risana e Jairus, i hanot. Ning i oroi e Iesu, i punga na hanrawai salanigo tana.