A Wakak a Warwara o e Iesu Karisito i tumusi 5:35 - Label

³⁵ Kaning ot e Iesu i warwara, dingla na tarai la hanot miting na rumai ane Jairus, pa la atai i mang, “Sur asa ning u amolot a Tena Asaer? E natum hane ka mat.”

A Wakak a Warwara o e Iesu Karisito i tumusi 5:35 Referans Kwoze

Luk 8:49

Ning e Iesu kaning ot i warwara, takai i hanot mito na rumai ane Jairus, a ningnigo tagun a rumai lotu, pa i atai i mange, “Gong u amolot a Tena Asaer. E natum hane ka mat.”

Jon 11:39

E Iesu i atai la mange, “Mulor lakir sen a hat.” Pa e Mata, a tas a barsan ning i mat, i kelesi mange, “Leklek, kar goh, anasa ka diat a pukakiar alari!”

Jon 11:28

Lamur ning e Mata ka atong tari larne, i ulak pa i kabah kumnan pas e tasna hane e Maria, pa i atai i mange, “A Tena Asaer ka hanot pa i deke sur u.”

Jon 5:25

A atong momoli ta mulo, a taem ir hanot, pa ka hanot, ning a minatla lar longor a Nat e God, pa la ning la longori lar laun.

A Wakak a Warwara o e Iesu Karisito i tumusi 10:17

Ning e Iesu i han amon ulak, ning a barsan i dun teteki, i kes ana bokona hana namatana, pa i dekeni mange, “Wakak a Tena Asaer, asaning ar toli sur ar kibas a lalaun tikin?”

A Wakak a Warwara o e Iesu Karisito i tumusi 5:22

Ning a ningnigo tagun a rumai lotu a risana e Jairus, i hanot. Ning i oroi e Iesu, i punga na hanrawai salanigo tana.

Jon 11:32

Ning e Maria i hanot ana pukna ning e Iesu i kes ia, i oroi teteki, i kes ana bokona hana salanigo tana, pa i atongi mange, “Leklek, ngandek ning ur kes tar ot te, a tasiklik bel ir mat.”

Jon 11:25

E Iesu i atai i mange, “Iau a lalaun ulak kusun a minat, pa iau a lalaun momol. Esining i tortorot hok, ning ir mat, ir laun ulak,

Jon 11:21

E Mata i atai e Iesu mange, “Leklek, ngandek ning ur kes ot te, a tasiklik bel ir mat.

Matiu 26:18

Pa i keles la mang, “Mur han kas usaot e Jerusalem, mur barat ning a barsan, pa mur atai i mang, ‘A Tena Asaer i atongi mang: Anuk a pukakiar ka milau. Mila taum ana nuk a kakak a asaerla milar asilang a tnan pukakiar a lotu na Hanlakai ting na num a rumai.’”

Matiu 9:18

Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.”

Matiu 26:10

E Iesu ka tasman asaning la warwara ono, pa i atai la mang, “Sur asa ning mulo saran a mamahat tetek a hane ne? I ka tol tar a wakak a titol hok.