A Wakak a Warwara o e Iesu Karisito i tumusi 5:34 - Label

³⁴ Pa e Iesu i atai i mange, “Natuklik, anuma tortorot ka alangolango pas u. Ur han taum ana bal molmol, anuma tinsaman ka rop.”

A Wakak a Warwara o e Iesu Karisito i tumusi 5:34 Referans Kwoze

Luk 8:48

Pa e Iesu i atai i mange, “Natuklik, anuma tortorot ka alangolango pas u. Ur han taum ana bal molmol.”

Matiu 9:22

E Iesu i talingir pa i oroi a hane ning, pa i atai mang, “Natuklik, gong u matmataut, anuma tortorot ka alangolango pas u.” Pa ono otning a hane ning i langolango.

Luk 18:42

Pa e Iesu i atai i mang, “Ur palpalas matam! Anum a tortorot ka alangolango pas u.”

Luk 7:50

E Iesu i atai a hane ning mang, “Ana num a tortorot ot, di ka alaun pas u. Ur han ana bal molmol.”

A Wakak a Warwara o e Iesu Karisito i tumusi 5:29

Pa a suluk i suah kakat, pa a hane ning i kilang a palaona mang a tinsaman ka rop.

Aposel 14:9

I longor e Pol i warwara. Pa e Pol i ngosoni, pa i oroi mang a barsan ning i tortorot sur dir alangolango i.

Luk 17:19

Pa i atai i mang, “Ur kamtur, pa ur han. Anum a tortorot ka alangolango pas u.”

A Wakak a Warwara o e Iesu Karisito i tumusi 10:52

E Iesu i atongi tana mang, “Ur han, anuma tortorot ka alangolango pas u.” Ono otning i tai, pa i mur e Iesu ana ngas.

Matiu 9:2

Pa dingla na tarai la los otnan ning a barsan teteki, a palaona i mat pa i borbor tar ka ana logo ngasna. Ning e Iesu i oroi anunla tortorot, i atai a barsan ning mang, “Natuklik, gong u matmataut, di ka kepsen tar anum na toltol laulau.”

A Wakak a Warwara o e Iesu Karisito i tumusi 5:33

A hane ning i matmataut, pa i koloron, anasa i tasman a utna ning i hanot ono. I han tetek e Iesu, i punga salanigo tana, pa i atong puasa a utna ning ka tol tari.

Aposel 15:33

Ning dia ka kes bongnan diau tingia, na tastasindiau ana tortorot la tur tulan diau taum ana bal molmol, sur diar ulak usaot e Jerusalem tetek la ning la sune diau.

Aposel 16:36

Pa a tena tai alar i atai e Pol mange, “A tena warkuraila la arsune sur dir pak sen mu. Onone mur purum, mur han taum ana bal molmol.”

Jems 2:16

pa tik o mulo ir atongi tana mang, “Ur han ana bal molmol, ur mermer pa ur masur,” ika ning bel ir tabari ana ta utna ning i kapan suri, a warwara ning ir nangan mangasa i?