A Wakak a Warwara o e Iesu Karisito i tumusi 16:16 - Label

¹⁶ Esining i tortorot pa di baptaisi dir alauni. Ika esining bel i tortorot, God ir saran a rakrakai a warkurai teteki sur ir mat.

A Wakak a Warwara o e Iesu Karisito i tumusi 16:16 Referans Kwoze

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Aposel 2:38

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

Jon 8:24

Ine a kamkamna ning a atai mulo mang mulor mat ana numulo na toltol laulaula. Ning bel mulo tortorot hok mang iau ot ne, mulor mat taum ana numulo na toltol laulaula.”

Jon 6:29

E Iesu i keles la mange, “A titolla ne, ning e God i mang suri, mulor tortorot o esaning i sune i ute.”

Jon 3:5

E Iesu i kelesi mange, “A atong momoli tam, esining bel di agon tona pasi ana malum pa ana Talngan Tabu, bel ir tol sot sur ir kas ting na matanitu ane God.

Aposel 10:43

A propetla rop la warwara o e Iesu, mang esining i tortorot onoi, dir kepsen anuna na toltol laulaula ana risana.”

Jon 20:31

Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Tatatai 20:15

Pa la ning bel di tumus akes na risanla ting na buk a lalaun, di minggen purum sen la uting na tnan tung a iah.

Jon 6:35

E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

1 Pita 3:21

A lomom i tur aslang a baptais ning i alaun mulo onone. Bel di baptais mulo sur dir gos sen a dur ting na palaomulo. A baptais i warwara talapor mang mulo tasmani mang mulo tostos namatana e God. Pa ir alaun mulo anasa ana kamkamtur ulak ane Iesu Karisito kusun a minat.

A Wakak a Warwara o e Iesu Karisito i tumusi 1:15

i atongi mange, “A pukakiar ka hanot, pa a matanitu ane God ka milau. Mulor lingir a nuknukimulo pa mulor tortorot ana Wakak a Warwara.”

Aposel 22:16

U kes pas asa? Ur tur, pa dir baptais u, pa ur nunung ana risana, sur dir kepsen anum na toltol laulaula.’

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

Aposel 2:41

La ning la kibas a warwara ane Pita dir baptais la. La arlar ona natol a rip, pa di suah taum la ana tena tortorotla.

Luk 8:12

A pat a witla ning la punga ting na ngas, la arlar ana tarai ning la longor a warwara, pa e Satan i hanot, pa i kepsen a warwara miting na balanla, sur gong la tortorot, pa gong di alaun la.

Matiu 28:19

Pa ning mulor han, mulor asaer a taraila miting na matanitu rop, sur la otleng anuk na kakak a asaer. Mulor baptais la ana risana e Tata, pa e Natnalik, pa a Talngan Tabu.

Tatatai 21:8

“Na tena matmataut, pa la ning bel la tortorot, pa la ning anunla na toltol i dur, pa na tena um kol a tarai, pa la ning la tol na pamuk a toltol, na tena wah, la ning la lotu tetek a asasongo na godla, taum ana tena asasongo rop, anunla pukna kaning na tnan tung ning i irnga ana iah pa salfa. Ine a munaur a minat.”

Aposel 13:39

A Warkuraila ane Moses bel i tolsot pasi sur ir kepsen a laulau a ginimulo, sur dir atong mulo mang a tena tostosla. Ika, la rop ning la tortorot o e Iesu, dir atong la mang a tena tostosla.

A Pas ane Pol tetek a tarai Rom 4:24

I atongi otleng ondala. Ning dala tortorot o e God, ning i akamtur ulak pas e Iesu anundala Leklek kusun a minat, ir atong dala otleng mang dala na tena tostos.

2 Tesalonika 2:12

Manglarning, la rop ning bel la tortorot ana momolna pa la gas ka ana toltol laulau, lar hirua ana warkurai ane God.

2 Tesalonika 1:8

Ir saran a warkurai na arkeles tetek la ning bel la tasman e God, pa bel la longor ana Wakak a Warwara ana nundala Leklek e Iesu.

Aposel 13:46

Ika bel dia matmataut pa dia keles la mange, “Wakak mia ka atalapor nigon tar a warwara ane God ta mulo. Ika ning bel mulo kibasi pa mulo san alar pas mulo sur gong mulo los a lalaun tikin, onone, miar han tetek a tarai ning bel a tarai Juda.

A Pas ane Pol tetek a tarai Rom 3:6

Ika bel. Ning anuna warkurai bel i tostos, ir warkurai mangmangasa pas a tarai mite na rakrakan hanua?