A Wakak a Warwara o e Iesu Karisito i tumusi 15:32 - Label

³² Ning i a Karisito, a King anuna tarai Israel, ono otne ir purum kusun a rakai kutus, sur dalar oroi, pa dalar tortorot onoi.” Pa diau otleng, ning di sai ahat tar diau ana naur a rakai kutus ting na pirna, dia hanani.

A Wakak a Warwara o e Iesu Karisito i tumusi 15:32 Referans Kwoze

Matiu 27:44

Naur a tena kinkinau otleng ning dia kulam taum ono, dia otleng dia atong laulau i.

2 Timoti 2:18

ning dia ka han rongo kusun a momolna. Dia atongi mang dala ka kamtur ulak pas kusun a minat, pa dia alaulau a tortorot anuna dingla na te Karisito.

Matiu 1:17

A mangis a tarai turpasi o e Abaram tuk o e Dewit i arlar ana ning a bonot pa diat la, pa tagun e Dewit tuk ana tinan na dodot tumo e Babilon ning a bonot pa diat otleng la, pa tagun a tinan na dodot tumo e Babilon tuk ana Karisito ning a bonot pa diat a mangis a tarai otleng.

A Pas ane Pol tetek a tarai Rom 3:3

I momol, dingla na tarai Juda bel la tortorot. Ning bel la tortorot, mangmangasa, i topasi sur ir sairas e God sur gong i tolsot anuna warwara?

Jon 12:13

La los pas a paka baibaila pa la han sur lar barat e Iesu. La kukuk mange, “Hosana! Esaning i hanot ana risan a Leklek i angis.’ Buk Song 118:25-26 A King anuna tarai Israel i angis!”

Jon 1:49

E Natanael i atai i mange, “Tena asasaer, u a Nat e God, u a King anuna tarai Israel.”

A Wakak a Warwara o e Iesu Karisito i tumusi 15:26

La tumus a warwara na ararup onoi saot na rakai kutus manglarne, “a king ana tarai judala.”

Matiu 27:42

“I alaun pas a tarai masik, ika bel ir tolsot sur ir alaun pasi. Ning i a King anuna tarai Israel, ono otne ir purum kusun a rakai kutus pa dalar tortorot ono.

A Wakak a Warwara o e Iesu Karisito i tumusi 15:27

La sai ahat otleng naur a tena kinkinau taum ono ana naur a rakai kutus, takai ana sot a kuna, pa takai ana kair.