A Wakak a Warwara o e Iesu Karisito i tumusi 15:19 - Label

¹⁹ La dapis a pukulna ana rakai, la namsani, la kes ana bokona hanla pa la saran a hanrawai teteki.

A Wakak a Warwara o e Iesu Karisito i tumusi 15:19 Referans Kwoze

A Wakak a Warwara o e Iesu Karisito i tumusi 14:65

Dingla na tarai tagun la, la namsan e Iesu, la poroi alar tar a matana, la tubuli pa la atai i mange, “U a propet, atai mila, esining i tubul u!” A tena tai alarla la ben pasi pa la umi.

Hibru 13:13

I wakak ning dalar han teteki kaning ot lapiu na hanua, pa dalar kilang meme taum onoi.

Pilipai 2:10

sur ana risana e Iesu, na akakes rop saot na langit pa te na rakrakan hanua pa nahai a rakrakan hanua, la rop lar kes ana bokona hanla,

A Pas ane Pol tetek a tarai Rom 11:4

Asa a arkeles ane God tetek e Elaija? I kelesi mang, “Anuka mais a rip a tarai kaning ot, ning bel la lotu tetek e Bal, a asasongo na god.” 1 King 19:18

Luk 23:36

Pa a tena harumla otleng la morot laulau onoi. La han teteki, la saran tar a wain ning i mititir tana,

Luk 23:11

E Herot pa anuna tarai a harum la morot laulau ono, pa la malani, la mer tari ana wakak a kaen kol, pa la sune sen ulaki tetek e Pailat.

Luk 22:63

La ning la tai alar e Iesu, la morot laulau ono, pa la mirasi.

A Wakak a Warwara o e Iesu Karisito i tumusi 10:34

Lar morot onoi, lar namsani, lar dapisi pa lar umkoli. Pa ning natola pukakiar ir rop ir laun ulak.”

A Wakak a Warwara o e Iesu Karisito i tumusi 9:12

I keles ditol mang, “A momolna ot, e Elaija ir hanot nigo pa ir atostos ulak a ututnala rop. Pa asa kamkamna ning di ka tumus tari ting na Buk Tabu mang a Nat a Barsan ir kilang a galis a kankan pa bel dir mang suri?

Matiu 27:30

Pa la namisi, la kibas pas a bulse ning kusuni, pa la dapdapis a pukulna ono.

A Wakak a Warwara o e Iesu Karisito i tumusi 15:18

Pa la turpas a arkabah teteki mange, “U a king anuna tarai Juda!”

A Wakak a Warwara o e Iesu Karisito i tumusi 15:20

Ning la ka morot pas onoi, la paksen a kubar a kaen kusuni. La apipis ulaki taum ana nuna kaenla, pa la ben purumi sur dir sai ahati saot na rakai kutus.