A Wakak a Warwara o e Iesu Karisito i tumusi 14:62 - Label

⁶² E Iesu i kelesi mange, “Iau ot ning, pa lamur mulor oroi a Nat a Barsan ir kes ana ris a sot a kuna e God, ning i rakrakai kol, pa ir hanot ana laukap misaot na langit.”

A Wakak a Warwara o e Iesu Karisito i tumusi 14:62 Referans Kwoze

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

A Wakak a Warwara o e Iesu Karisito i tumusi 13:26

“Ana taem ning, a tarai lar oroi a Nat a Barsan ir hanot ana laukap taum ana tnan rakrakaina pa a matatar.

Matiu 24:30

“Ana taem ning, a akinalang ana Nat a Barsan ir hanot ana bakut. Pa na tarai miting na matanitu rop te na rakrakan hanua lar domos. Pa lar oroi a Nat a Barsan ir hanot ting na didia bakutla, taum ana rakrakai pa a tnan matatar.

Matiu 26:64

E Iesu i kelesi mang, “I ot ning u atongi. Pa atai mulo mang, turpasi anone, mulor oroi a Nat a Barsan ir kes ana sot a kuna e God, esaning i rakrakai kol, pa lamur mulor oroi i ning ir hanot ana didia bakutla misaot na langit.”

Luk 22:69

Ika, tur pasi onone, a Nat a Barsan ir kes ana ris a sot a kuna e God, ning i rakrakai kol.”

Tatatai 1:7

Oroi, i han purum ana diah bakut, pa a matana tarai rop lar oroi i, pa la otleng ning la so tari, pa a mangis a tarai rop te na rakrakan hanua lar domos anasa onoi. Ir hanot lar otning. Amen.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

A Wakak a Warwara o e Iesu Karisito i tumusi 16:19

Ning a Leklek e Iesu ka warwara tar tanla, e God i rakan pasi usaot na langit, pa i kes ana sot a kuna.

Tatatai 20:11

Lamur a oroi pas a tnan keskes na king i kokok, pa esaning i kes onoi. A rakrakan hanua pa bakut dia rorom miting namatana, bel ta pukna ulak ma anundiau.

Hibru 8:1

A tnan utna ning mila ka warwara pas ono i mange: Anundala ningnigo na tena artabar tetek e God, ning ka kes tar ana ris a sot a kuna keskes ane God, a leklek a King kol saot na langit.

Hibru 8:10

A Leklek i atongi larne: A kunubus ning ar toli taum ana tarai Israel, ana pukakiarla lamur, i mange: Ar suah tar anuka warkuraila ting na nuknukinla, pa ar tumus tari uting na balanla. Pa iau a God anunla, pa la anuka tarai.

Luk 23:3

E Pailat i dekeni mang, “U a King anuna tarai Judala?” Pa e Iesu i kelesi mang, “I ot ning u ka atongi.”

A Wakak a Warwara o e Iesu Karisito i tumusi 15:2

E Pailat i dekeni mange, “U a King anuna tarai Juda?” Pa e Iesu i kelesi mange, “Lar ot ning u ka atongi.”

Matiu 27:11

E Iesu i tur namatana e Pailat, a ningnigo tagun a matanitu, pa a ningnigo i dekeni mang, “U a king anuna tarai Juda?” Pa e Iesu i kelesi mang, “I ot ning u atongi.”

2 Pita 1:16

Ning mila atai mulo ana rakrakai e Iesu Karisito anundala a Leklek pa ana nuna tinan ot ulak, bel mila ususrai oros ana ususraila ning mila nuk pas la ka. Mila ot mila ka oroi tar anuna matatar ana matamila.