A Wakak a Warwara o e Iesu Karisito i tumusi 12:29 - Label

²⁹ E Iesu i kelesi mange, “Ine a ngangaten a warkurai momol, ‘A tarai Israella mulor longori, a Leklek anundala God i takai sot ka.

A Wakak a Warwara o e Iesu Karisito i tumusi 12:29 Referans Kwoze

Luk 10:27

A barsan ning i kelesi mang, “‘Ur mang sur a Leklek anuma God ana balam rop, a ingum rop, a rakrakaim rop, pa a nuknukim rop.’ Lo 6:5 Pa ‘Ur mang sur a halim larning u mang sur u ot.’” Liwai 19:18

Galesia 3:20

Ika, ning e God i lele tetek e Abaram, bel tik i tur potor diau. E God sot ka.

A Pas ane Pol tetek a tarai Rom 3:30

Anasa takai ka a God, pa ir atong na tarai Juda mang la tostos namatana ana tortorot. Mangotleng larning tetek a tarai masik, ir atong la mang la tostos ana tortorot otleng.

A Pas ane Jut 1:25

Takai ka a God pa i anundala a Tena Alaun, anasa ana minat e Iesu Karisito anundala a Leklek. Anunai ot a matatar, a keskes a leklek, a rakrakai pa a warkurai, tagun na raula ning ka rop, pa onone, pa bel ir rarop. Amen.

1 Korin 8:4

Ar atai mulo ana ngasna ning a taraila la sira toli ning la ien a ututnala, ning di ka artabar tar onoi tetek na asasongo na god. Dala tasmani mang a manar ning di koti a utna oros ka mite na rakrakan hanua, belsur a lalauna. Dala tasmani mang takai a God ka, pa bel tik ulak.

Jems 2:19

U tortorot mang takai ka a God. I wakak. A motla otleng la tortorot onoi larne, pa la matmataut pa la koloron.

1 Timoti 2:5

Anasa takai sot ka a God, pa takai ka otleng ning i dat taum e God pa a taraila, a barsan ne Karisito Iesu,

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

Matiu 23:9

Pa gong mulo atong tik mite lapiu a tamamulo, anasa takai a Tamamulo sot ka, ning i kes saot na langit.

Matiu 10:37

“Esining i maris kol e tamana pa e tana, ika anuna marmaris tetek iau bel i itna larning, bel i topasi sur i anuka kaklik a asaer. Pa esining i maris kol e natnalik, a natar barsan o a hane, ika anuna marmaris tetek iau bel i itna larning, bel i topasi sur i anuka kaklik a asaer.