A Wakak a Warwara o e Iesu Karisito i tumusi 11:32 - Label

³² Ika ning dalar atongi mange, ‘Tana taraila,’ a tarai lar balakut dala.” La matatan a taraila, anasa la rop la tortorot o e Jon mang i a propet.

A Wakak a Warwara o e Iesu Karisito i tumusi 11:32 Referans Kwoze

A Wakak a Warwara o e Iesu Karisito i tumusi 12:12

A ningnigola anuna tarai Juda la tai sur ta ngas sur lar tong akes pas e Iesu ono, anasa la tasmani mang i atong ka a warwara larlar ne onla. Ika la matatan a kunum a tarai. Pa la tur pas kusuni, pa la han.

Matiu 21:46

Pa la tai sur ta ngas sur lar tong akesi ono, ika la matatan a kunum a tarai, anasa a tarai la tortorot ono mang i a propet.

Matiu 14:5

Pa e Herot i mang sur dir umkol e Jon, ika i matatan a tarai, anasa la tasmani mang e Jon a propet.

Aposel 5:26

A tena tai alarla taum ana nunla ningnigo la ben pas a aposella. La ben wakak pas la ka, anasa la matatan a taraila, sakana lar wolot la.

Jon 10:41

A galis a tarai la han tetek e Iesu pa la atongi mange, “E Jon bel i tol al akinalang, ika a warwarala rop ning i atongi ana barsan ne, i momol ot.”

Luk 22:2

Pa leklek a tena artabarla tetek e God, pa tena asaerla tagun a warkurai, la nuknuk sur ta ngas sur lar um kumnan e Iesu ono, anasa la matatan a tarai.

Luk 20:19

A tena asaerla tagun a warkurai pa a leklek a tena artabarla tetek e God la tai sur ta ngas ning lar tong akes kapit pas e Iesu, anasa la tasmani mang i atong ka a warwara larlar ne onla. Ika la matatan a taraila.

A Wakak a Warwara o e Iesu Karisito i tumusi 6:20

anasa e Herot i matatan e Jon, pa i tasmani mang i a wakak a barsan pa a tena tostos. Pa e Herot i tai alar e Jon. I gas sur ir longor anuna na warwara, maika i loklokron a nuknukna ono.

Matiu 11:9

Asa ning mulo han sur mulor oroi i? A propet? Momol, a atai mulo, e Jon i leklek kol tana propetla.

A Wakak a Warwara o e Iesu Karisito i tumusi 11:31

Pa la warwara kumna pas mange, “Ning dalar atongi mang, ‘Mitisaot ana langit,’ ir keles dala ka mange, ‘I mangasa ning bel mulo tortorot onoi?’

A Wakak a Warwara o e Iesu Karisito i tumusi 11:33

Pa la keles e Iesu mange, “Bel mila tasmani.” Pa e Iesu i atai la mang, “Iau otleng bel ar atai mulo ana rakrakai ning a sira tol a ututnala ne ono.”