A Wakak a Warwara o e Iesu Karisito i tumusi 10:14 - Label

¹⁴ Ning e Iesu i oroi, i balakut pa i atai la mange, “Mulor noren a kakakla sur lar han tetek iau. Gong mulo sairas la, anasa a matanitu ane God anunla ning la manglarne.

A Wakak a Warwara o e Iesu Karisito i tumusi 10:14 Referans Kwoze

Matiu 19:14

E Iesu i atongi mang, “Mulor noren sen kakakla sur lar han tetek iau. Gong mulo sairas la, anasa a matanitu misaot na langit anunla ning la manglarne.”

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

Matiu 18:4

Esi ning i anatarna pasi, arlar ana kaklik ne, i leklek kol ana matanitu misaot na langit.

1 Pita 2:2

Mulor mang kol sur a utna na ingun ning i totoh, arlar ana kakak mermeremla la mang kol sur a polo na sus. Mulor mang sur a utna na ingun, sur mulor gomo onoi tuk ana pukakiar ning mulor kibas a lalaun tikin.

2 Timoti 3:15

pa u tasman a Buk Tabu turpasi ning u kaklik ot. A Buk Tabu i tolsot pasi sur ir atastasman u, sur ur tortorot o e Karisito Iesu, pa e God ir alaun pas u.

Tatatai 14:5

Bel di longor tar ta asasongo miting na pahanla, pa bel di arup sot pas la on ta rongo.

2 Timoti 1:5

A nuk pas anuma momol a tortorot, ning i arlar ana tortorot ana naur a hane ne, e tubum Lois pa etnam Iunis. A tasmani mang a ngasa tortorot ne, ka kes otleng hom.

Epeses 4:26

Ning mulo balakut, gong mulo tol a toltol laulau. Pa gong a kamis i sup ning kaning ot mulo balakut,

1 Korin 14:20

Na tastasik, gong a nuknukimulo i arlar ana kakakla. Ana toltol laulau i wakak sur mulor arlar ana kakak mermeremla. Ika, ana nuknukimulo, mulor arlar ana tatatnanla.

1 Korin 7:14

Anasa a barsan ning bel a tena tortorot, i ane God, anasa ana nuna hane ning i tortorot. Pa a hane ning bel a tena tortorot, i ane God, anasa ana nuna barsan ning i tortorot Ning bel, na natnatumulo lar dur. Ika, la ka totoh, la a tarai ane God.

A Pas ane Pol tetek a tarai Rom 11:28

A tarai Israel la na hirua ane God anasa bel la tortorot ana Wakak a Warwara, sur ir angis mulo a tarai masik. Ika, e God i maris kol la, anasa i aslang pas na tumtubunla.

A Pas ane Pol tetek a tarai Rom 11:16

Ar warwara larlar otleng mange: Ning a ningnigo na diah bret di sarani tetek e God, a kidol a bret ane God. Pa ning a wakir a rakai di sarani tetek e God, a rakrakana otleng ane God.

Aposel 3:25

A warwara anuna propetla anumuloi ka, pa a kunubus otleng ning e God i tol tari tetek anumulo a kaba tarai nating ot, ning i atongi tetek e Abaram mang, ‘O e tubum ar angisngis a kaba tarai rop te na rakrakan hanua.’ Stat 22:18

Aposel 2:39

Anasa a artabar ne ning e God ka lele tar ono, ir han tetek mulo, pa tetek na natnatum mulola, pa tetek la otleng ning la kes bakbak. Pa ir han tetek la rop, ning a Leklek anundala a God, ir kabah pas la teteki.”

A Wakak a Warwara o e Iesu Karisito i tumusi 8:33

E Iesu i talingir pa i tai tetek anuna kakak a asaerla, pa i warwara rakrakai tetek e Pita mange, “Satan, ur han utumo lamur tak! Anasa u mur ka a nuknuk a tarai, pa bel u mur a nuknuk e God.”

A Wakak a Warwara o e Iesu Karisito i tumusi 3:5

E Iesu i tai taltal ana balakut tetek la. I nukmaris la anasa la tagar a nuknukinla. Pa i atai a barsan ning mang, “Ur kodos a kum.” I kodosi, pa a kuna i tostos ulak.

Matiu 5:3

“La ning la tasmani mang la kapan ana ingunla, la angis, anasa anunla a matanitu misaot na langit.

Matiu 5:10

La ning di alaulau la anasa la mur a tostos a toltol, la angis, anasa anunla a matanitu misaot na langit.

Jon 3:3

E Iesu i kelesi mange, “A atong momoli tam, ning tik bel di agon tona pasi, bel ir tol sot sur ir oroi a matanitu ane God.”

Jon 3:5

E Iesu i kelesi mange, “A atong momoli tam, esining bel di agon tona pasi ana malum pa ana Talngan Tabu, bel ir tol sot sur ir kas ting na matanitu ane God.